ବେଲୁନ୍ ଚିଠି ମାଧ୍ୟମରେ ପ୍ରତିଶୋଧର ସୂଚନା ଦେଲା ପାକିସ୍ତାନ

ପଠାନକୋଟ: ପିଓକେରେ ପଶି ଭାରତୀୟ ସେନା ଆତଙ୍କୀଙ୍କ ୭ଟି ଆଡ୍ଡା ଧ୍ୱଂସ କରିଦେବା ପରେ ପାକିସ୍ତାନ  ଆତଙ୍କିତ ହୋଇପଡିଛି। ଚାରିଆଡୁ ଅସହାୟ ହୋଇ ପଡିଥିବା ପାକିସ୍ତାନ ସର୍ଜିକାଲ ଅପରେସନକୁ ମାନିବାକୁ ନାରଜ ଥିଲେ ମଧ୍ୟ ପରୋକ୍ଷରେ ଭାରତୀୟ ସେନାର ପଦକ୍ଷେପକୁ ସ୍ୱୀକାର କରିଛି। ଏହି ଘଟଣାକୁ ନେଇ ପାକିସତାନ ସିଧାସଳଖ କିଛି କହି ପାରୁ ନ ଥିଲେ ମଧ୍ୟ ବିଭିନ୍ନ ମାଧ୍ୟରେ ଭାରତକୁ ଚେତାବନୀ ଦେବାରେ ଲାଗିଛି। ଗତକାଲି ପାକିସ୍ତାନ ପଟରୁ ପଞ୍ଚାବ ଅଞ୍ଚଳକୁ ଆସିଥିବା ବେଲୁନରୁ ଏହା ଜଣାପଡିଛି। ଉକ୍ତ ବେଲୁନରେ ଉର୍ଦ୍ଦୁ ଭାଷାରେ ଆକ୍ରମଣର ପ୍ରତିଶୋଧ ନେବା କଥା ଉଲ୍ଲେଖ ରହିଛି।

ବେଲୁନ ସହ ଚିଠି ପଞ୍ଜାବର କିଛି ଜିଲ୍ଲାରେ ଦେଖିବାକୁ ମିଳିଛି। ଏହି ଚିଠି ପଠାନକୋଟ, ଦିନାନଗର ଓ ଫରିଦାବାଦର କରତାରପୁରରେ ମିଳି‌ଥିବାର ସୂଚନା ପଠାନକୋଟର ଏସଏସପି ଗଣମାଧ୍ୟମକୁ ସୂଚନା ଦେଇଛନ୍ତି। ପଠାନକୋଟରେ ମିଳିଥିବା ଏକ ପାମ୍ପଲେଟରେ ଏହା ମଧ୍ୟ ଲେଖା ହୋଇଛି ଯେ, ମୋଦି ସରକାର ଯୁଦ୍ଧ ଲଢ଼ିପାରିବେ ନାହିଁ।

ଭାରତ-ପାକିସ୍ତାନ ସୀମାରେ ଲାଗି ରହିଥିବା ଅଶାନ୍ତି ପାଇଁ ପାକିସ୍ତାନ ଓ ଜମ୍ମୁ ସୀମାରେ ସୁରକ୍ଷା କଡାକଡି କରି ଦିଆଯାଇଛି।