ପୋଲାଭରମ୍‌କୁ ବିରୋଧ: ମେଳି ବାନ୍ଧୁଛନ୍ତି ଆଞ୍ଚଳିକ ଦଳ

ରାୟପୁର: ବିବାଦୀୟ ପୋଲାଭରମ ପ୍ରକଳ୍ପ ଦ୍ୱାରା ପ୍ରଭାବିତ ହେଉଥିବା ତେଲେଙ୍ଗାନା ଓ ଛତିଶଗଡ଼ରେ ମେଳି ବାନ୍ଧୁଛନ୍ତି ଆଞ୍ଚଳିକ ଦଳ। ଏହାକୁ ନେଇ କ’ଣ ରହିବ ବିଜେଡିର ଅଭିମୁଖ୍ୟ ଏବେ ତା’ ଉପରେ ନଜର ରହିଛି। ବିଜେଡି ଆସନ୍ତକାଲିଠାରୁ ରାଜଭବନ ଆଗରେ ଧାରଣା ଦେବାକୁ ପ୍ରସ୍ତୁତ ହେଉଥିବା ବେଳେ ଦୁଇଟି ରାଜ୍ୟର ଆଞ୍ଚଳିକ ଦଳ ଭିତରେ ଗତକାଲି ରୁଦ୍ଧଦ୍ୱାରା ବୈଠକ ହୋଇଥିଲା। ଏଥିରେ ତେଲେଙ୍ଗାନା ରାଷ୍ଟ୍ରୀୟ ସମିତିର ବରିଷ୍ଠ ନେତା ତଥା ଜଳ ସମ୍ପଦ ମନ୍ତ୍ରୀ ଟି. ହରିଶ ରାଓ ଓ ଛତିଶଗଡ଼ ଜନତା କଂଗ୍ରେସ ଦଳର ବିଧାୟକ ଅମିତି ଯୋଗୀ ଆଲୋଚନା କରିଥିଲେ। ପୋଲାଭରମ ବିରୋଧରେ  ଆଇନଗତ ଓ ରାଜନୈତିକ ଲଢେଇ ଜାରି ରଖିବାକୁ ଏଥିରେ ଆଲୋଚନା ହୋଇଥିବା ସୂଚନା ମିଳିଛି।

ଗତକାଲି ପୋଲାଭରମ୍‌କୁ ନେଇ ତେଲେଙ୍ଗାନା ଓ ଛତିଶଗଡ଼ରେ ଅଶାନ୍ତି ସୃଷ୍ଟି ହୋଇଥିଲା। ଲୋକେ ପ୍ରକଳ୍ପକୁ ବିରୋଧ କରି ବିକ୍ଷୋଭ କରିବା ସହ ପୋଡାଜଳା କରିଥିଲେ।

ବିଜେଡି ଏହି ପ୍ରକଳ୍ପକୁ କଡ଼ା ବିରୋଧ କରୁଥିବାର ତା’ର ଆଭିମୁଖ୍ୟକୁ ନେଇ ଚର୍ଚ୍ଚା ଜୋର ଧରିଛି।