ଶ୍ରୀନଗର: ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ପାକିସ୍ତାନୀ ଆତଙ୍କବାଦୀର ଅନୁପ୍ରବେଶ ଉଦ୍ୟମ ପଣ୍ଡ

ଶ୍ରୀନଗର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜମ୍ମୁ ଗସ୍ତ ପୂର୍ବରୁ ସାମ୍ଭା ଅଞ୍ଚଳର ଭାରତ-ପାକ ସୀମା ଦେଇ ଜଣେ ପାକିସ୍ତାନୀ ଆତଙ୍କବାଦୀ ଭାରତ ମଧ୍ୟକୁ ପଶିବାକୁ ଉଦ୍ୟମ କରିଥିଲା। ଆତଙ୍କବାଦୀ ଜଣଙ୍କ ଭାରତୀୟ ପୋଷ୍ଟ  ନିକଟରେ  ଲୁଚିଥିବା  ଦେଖି ସୁରକ୍ଷାକର୍ମୀମାନେ ତା’ ଉପରକୁ ଗୁଳି ଚଳାଇଥିଲେ। ହେଲେ ଆତଙ୍କୀ ଜଣଙ୍କ ନିକଟରେ ଥିବା ବୁଦାମୂଳରେ ଲୁଚି ଯାଇ ଖସି ଯିବାକୁ ସକ୍ଷମ ହୋଇଥିଲା। ଏହି ଘଟଣା ପରେ ସୀମାରେ ସୁରକ୍ଷା ବ୍ୟବସ୍ଥା ବଢ଼ାଇ ଦିଆଯିବା ସହ ପୁରା ଅଞ୍ଚଳରେ ସର୍ଚ୍ଚ ଅପରେସନ କରାଯାଉଛି। ପ୍ରଧାନମନ୍ତ୍ରୀଙ୍କ ଗସ୍ତ ପାଇଁ ସୁରକ୍ଷା ବ୍ୟବସ୍ଥାକୁ ମଧ୍ୟ ବଢ଼ାଇ ଦିଆଯାଇଛି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି ମାତା ବୈଷ୍ଣୋ ଦେବୀ ବିଶ୍ୱବିଦ୍ୟାଳୟର ସମାରୋହରେ ଛାତ୍ରଛାତ୍ରୀମାନଙ୍କୁ  ସମ୍ବୋଧିତ କରିଛନ୍ତି।