ପ୍ରେମିକା ମେଘନଙ୍କ ହାତ ଧରିଲେ ପ୍ରିନ୍ସ ହ୍ୟାରି

ନୂଆଦିଲ୍ଲୀ: ବିବାହ କଲେ ପ୍ରିନ୍ସ ହ୍ୟାରି । ବ୍ରିଟେନ ରାଜକୁମାର ହ୍ୟାରି ତାଙ୍କ ଦୀର୍ଘ ଦିନର ପ୍ରେମିକା ମେଘନ ମର୍କେଲଙ୍କୁ ଆଜି ବିବାହ କରିଛନ୍ତି।  ଲଣ୍ଡନର ଓ୍ୱିଣ୍ଡସର ପ୍ୟାଲେସରେ ଏହି ରାଜକୀୟ ବିବାହ ଉତ୍ସବ ଅନୁଷ୍ଠିତ ହୋଇଛି । ଧୂମଧାମରେ ଆୟୋଜିତ ହୋଇଥିବା ଏହି ବିବାହ ଉତ୍ସବରେ ଉଭୟ ବର ଓ କନ୍ୟା ରାଜକୀୟ ଠାଣିରେ ଘୋଡ଼ା ସବରୀରେ ବସି ରାଜମହଲ ଅତିକ୍ରମ କରିଥିଲେ।  ଏହି ସମୟରେ ରାଜମହଲରେ ୧୦ ହଜାରରୁ ଅଧିକ ଶୁଭେଚ୍ଛୁଙ୍କ ଭିଡ଼ ଜମିଥିଲା । ପ୍ରିନ୍ସ ଓ ମର୍କେଲଙ୍କ ବର୍ଣ୍ଣାଢ୍ୟ ବିବାହ ଉତ୍ସବରେ ଯୋଗ ଦେବା ଲାଗି ସାରା ବିଶ୍ୱରୁ ବିଭିନ୍ନ ନାମିଦାମି ବ୍ୟକ୍ତିତ୍ୱ ଲଣ୍ଡନ ଯାଇଛନ୍ତି।  ଭାରତରୁ ଅଭିନେତ୍ରୀ ପ୍ରିୟଙ୍କା ଚୋପ୍ରା ମଧ୍ୟ ଏହି ବିବାହରେ ଯୋଗ ଦେଇଛନ୍ତି । ହ୍ୟାରୀଙ୍କ ପାଣି ଗ୍ରହଣ କରିଥିବା ମର୍କେଲ ହେଉଛନ୍ତି ଆମେରିକାର ଟେକ୍ସାସର । ଉଭୟଙ୍କ ମଧ୍ୟରେ ପୂର୍ବରୁ ପ୍ରେମ ସମ୍ପର୍କ ରହିଥିବା ବେଳେ ଆଜି ତାହା ବିବାହର ରୂପ ନେଇଛି।

ପ୍ରିନ୍ସ ହ୍ୟାରୀ

ଶନିବାର ବ୍ରିଟେନ୍‌ ରାଜପରିବାରର ପ୍ରିନ୍ସ ହ୍ୟାରୀଙ୍କ ସହ ହଲିଉଡ ଅଭିନେତ୍ରୀ ମେଗନ୍‌ ମର୍କଲଙ୍କ ମଧ୍ୟରେ ବିବାହ ସମ୍ପନ୍ନ ହୋଇଛି। ଏହି ଉତ୍ସବର ଦେଖନ୍ତୁ କିଛି ଝଲକ।

Odisha Reporter यांनी वर पोस्ट केले शनिवार, १९ मे, २०१८