୩୧ ସ୍ୟାଟେଲାଇଟ୍‌ ସହିତ ପିଏସ୍‌ଏଲ୍‌ଭି-ସିଏର ସଫଳ ଉତ୍‌କ୍ଷେପଣ

ଶ୍ରୀହରିକୋଟା: ଭାରତୀୟ ରକେଟ୍‌ ପୋଲାର ସ୍ୟାଟେଲାଇଟ୍‌ ଲଞ୍ଚ ଭେଇକିଲ୍‌ (ପିଏସ୍‌ଏଲ୍‌ଭି) ଦେଶର ହାଇପର ସ୍ପେକ୍ଟ୍ରାଲ ଇମେଜିଂ ସ୍ୟାଟେଲାଇଟ୍ (ଏଚ୍‌ୱାଇଏସ୍‌ଆଇଏସ୍‌) ବ୍ୟତୀତ ୩୦ଟି ବିଦେଶୀ ସ୍ୟାଟେଲାଇଟ୍‌ର ସଫଳ ଉତ୍‌କ୍ଷେପଣ କରିଛି।

ଶ୍ରୀହରିକୋଟାର ପ୍ରଥମ ଲଞ୍ଚପ୍ୟାଡ୍‌ରୁ ୪୪.୪ ମିଟର ଲମ୍ବା, ୨୩୦ ଟନ୍‌ ଓଜନ୍‌ର ଏହି ରକେଟ୍‌ ସକାଳ ୯.୫୮ ସମୟରେ ଉଡ଼ାଣ ଭରିଥିଲା। ୪ ଥାକରେ ଏହି ଲଞ୍ଚ ହୋଇଥିବାବେଳେ ଏଥିରେ ଥିବା ମୋଟ ସ୍ୟାଟେଲାଇଟ୍‌ଗୁଡ଼ିକର ଓଜନ ୨୬୧.୫ କେଜି ବୋଲି ଜଣାଯାଇଛି।

ଉଡ଼ାଣ ଭରିବାର ୧୬ ମିନିଟ୍‌ ପରେ ରକେଟ୍‌ର ଚତୁର୍ଥ ସ୍ତର ବନ୍ଦ ହେବାର ଅଛି। ୧୭ ମିନିଟ୍ ପରେ ଏହା ୫ ବର୍ଷ ମହାକାଶରେ ରହିବାକୁ ଥିବା ଏଚ୍‌ୱାଇଏସ୍‌ଆଇଏସ୍‌କୁ ଅବସ୍ଥାପିତ କରିବ।