ଜମ୍ମୁ: ସୀମାନ୍ତ ଗାଁରେ ରାହୁଲ

rahul at jammuଜମ୍ମୁ: କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି ବୁଧବାରଠାରୁ ତିନିଦିନିଆ ଗସ୍ତରେ ଜମ୍ମୁ ଓ କାଶ୍ମୀର ଗସ୍ତରେ ଆସିଛନ୍ତି। ତାଙ୍କର ଏହି ଗସ୍ତ ସମୟରେ ସେ ଭାରତ-ପାକିସ୍ତାନ ସୀମାନ୍ତବର୍ତ୍ତୀ ଅଞ୍ଚଳରେ ଥିବା ଗାଁକୁ ଯିବାର କାର୍ଯ୍ୟକ୍ରମ ରହିଛି। ପାକିସ୍ତାନ ଗୁଳିମାଡର ଶିକାର ହୋଇଥିବା ଜମ୍ମୁ, କାଶ୍ମୀର ଓ ଲଦାଖର ବିଭିନ୍ନ ଗାଁ ଲୋକଙ୍କୁ ଭେଟିବାର ଯୋଜନା କରିଛନ୍ତି କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧି। ପ୍ରଥମ ପର୍ଯ୍ୟାୟରେ ସେ ଜମ୍ମୁ ସୀମାନ୍ତବର୍ତ୍ତୀ ଅଞ୍ଚଳ ଯାଇଥିବା ଜଣାପଡିଛି। ସେ  ସେଠାରୁ ଫେରି  ଗତ ଅଗଷ୍ଟ ୧୫ରୁ ଏପର୍ଯ୍ୟନ୍ତ  ବାଲକୋଟ ଅଞ୍ଚଳର ପୁଞ୍ଚଠାରେ ପାକିସ୍ତାନ ଗୁଳି ମାଡରେ ୬ଜଣ ପ୍ରାଣ ହରାଇଥିବା ଗାଁ ଲୋକଙ୍କୁ ଭେଟିବାର ଯୋଜନା ରହିଛି। ଏହାସହ  ରାହୁଲ ସ୍ଥାନୀୟ ନେତାଙ୍କୁ ଭେଟି ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିବାର କାର୍ଯ୍ୟକ୍ରମ ରହିଛି।

 ସୂଚନାଯୋଗ୍ୟ ଗତ କିଛି ଦିନ ହେବ ପାକିସ୍ତାନ ପକ୍ଷରୁ ଅସ୍ତ୍ରବିରତୀ ଉଲ୍ଲଘଂନ କରି ସୀମାନ୍ତବର୍ତ୍ତୀ ଗାଁ ଉପରକୁ ଗୁଳି ଓ ମୋର୍ଟାର ମାଡ ଜାରି ରଖିଛି। ରହୁଲଙ୍କ ଗସ୍ତକୁ ଆଖି ଆଗରେ ରଖି ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି।