ପୁରୁଣା ଦଳ ସହ ୫ ଦଶନ୍ଧିର ସମ୍ପର୍କ ତୁଟାଇଲେ ରାଜପାକ୍ସେ

କଲୋମ୍ବୋ: ଶ୍ରୀଲଙ୍କା ରାଜନୀତିର ପରିଚିତ ଚେହେରା ତଥା ରାଷ୍ଟ୍ରପତି ମଇଥ୍ରୀପାଲ ଶିରିସେନାଙ୍କ ଦ୍ୱାରା ବିବାଦୀୟଭାବେ ପ୍ରଧାନମନ୍ତ୍ରୀ ନିଯୁକ୍ତ ମହିନ୍ଦା ରାଜପାକ୍ସେ ଏସ୍‌ଏଲଏଫ୍‌ପି ସହ ୫୦ ବର୍ଷର ସମ୍ପର୍କ ତୁଟାଇଛନ୍ତି। ସେ ଏବେ ନୂତନ ଦଳ ଶ୍ରୀଲଙ୍କା ପିପୁଲ୍ସ ପାର୍ଟି(ଏସ୍‌ଏଲ୍‌ପିପି)ରେ ଯୋଗ ଦେଇଛନ୍ତି।

ସେ ଏଭଳି ପଦକ୍ଷେପ ନେବାପରେ ଜାନୁଆରୀ ୫ ତାରିଖରେ ହେବାକୁ ଥିବା ନିର୍ବାଚନରେ ଓହ୍ଲାଇବା ନେଇ ସ୍ପଷ୍ଟ ହୋଇଯାଇଛି। ଏଥର ସେ ଶିରିସେନାଙ୍କ ଏସ୍‌ଏଲ୍‌ଏଫ୍‌ପି ଦଳରେ ନୁହେଁ ବରଂ ନୂଆ ଦଳରୁ ଲଢ଼ିବା ମଧ୍ୟ ସ୍ପଷ୍ଟ ହୋଇଯାଇଛି। ୨୦୦୫ ମସିହାରୁ ଶ୍ରୀଲଙ୍କାକୁ ଶାସନ କରିଆସିଥିବା ରାଜପାକ୍ସେ ୨୦୧୫ରେ ଶିରିସେନାଙ୍କଠାରୁ ରାଷ୍ଟ୍ରପତି ନିର୍ବାଚନରେ ହାରିଯାଇଥିଲେ। ଏହି ପରାଜୟ ପଛରେ ମୁଖ୍ୟ କାରଣ ଥିଲା ବିକ୍ରମସିଂଘେଙ୍କ ୟୁନାଇଟେଡ୍‌ ନ୍ୟାସନାଲ ପାର୍ଟି।