ବନ୍ଧୁକ ମୁନରେ ବାହାଘର : ବେଦିରୁ ପ୍ରେମିକଙ୍କୁ ଉଠାଇଥିଲେ ରିଭଲଭର ରାଣୀ

ଲକ୍ଷ୍ନୌ:ଲଭ୍‌, ଡ୍ରାମା ଆକ୍ସନ । ଏସବୁ ଫିଲ୍ମରେ ଦେଖିବାକୁ ମିଳେ। ହେଲେ ରିୟଲ  ଲଇଫରେ ମଧ୍ୟ ଏମିତି ଘଟଣା ଘଟେ।  କିନ୍ତୁ ଉତ୍ତରପ୍ରଦେଶର ବୁନ୍ଦେଲଖଣ୍ଡର ଘଟିଥିବା ଘଟଣାଟି ସମ୍ପୂର୍ଣ୍ଣ ହଟକେ। ନିଜ ପ୍ରେମିକଙ୍କୁ ପାଇବା ପାଇଁ ରିଭଲର ଧରିଲା ପ୍ରେମିକା। ଆଉ ବନ୍ଧୁକମୁନରେ ବାହା ବେଦିରୁ ବରକୁ ଉଠାଇନେଲା ପ୍ରେମିକା। କେବଳ ଅପହରଣ କଲାନି ଉଠାଇ ଆଣିଥିବା ପ୍ରେମିକଙ୍କୁ ବିବାହ କଲେ। କାନପୁରର ବର୍ଷା ସାହୁ ନାମ୍ନୀ ଜଣେ ଯୁବତୀ ଏମିତି ସିନେମା ଶୈଳୀରେ ନିଜ ପ୍ରେମିକଙ୍କୁ ବିବାହ କରିଛନ୍ତି।

ଆଉ ଏହି ଦୁଃସାହିସିକ କାର୍ଯ୍ୟ ପାଇଁ ସେ ଏବେ ରିଭଲଭର ରାଣୀ ରୂପେ ପରିଚିତ ହୋଇଯାଇଛି।  ସୂଚନା ଅନୁଯାୟୀ  ବର୍ଷା ସାହୁ ଅଶୋକ ଯାଦବ ନାମକ ଜଣେ ଯୁବକଙ୍କୁ  ୮ ବର୍ଷ ଧରି ଭଲ ପାଇ ଆସୁଥିଲେ।  ହେଲେ ପରେ ଅଶୋକଙ୍କ ସହ ଅନ୍ୟ ଜଣେ ଯୁବତୀଙ୍କ ବିବାହ ହେଉଥିବା ବର୍ଷା ଖବର ପାଇଥିଲେ। ଆଉ ନିଜ ପ୍ରେମକୁ ପାଇବା ପାଇଁ ବର୍ଷା ରିଭଲଭର ଉଠାବାକୁ ପଛାଇ ନ ଥିଲେ। ବାହା ବେଦିକୁ ଆସି ବନ୍ଧୁକମୁନରେ ଧମକ ଦେଇ ନିଜ ପ୍ରେମିକ ଅଶୋକ ଯାଦବଙ୍କୁ ଗତ ମେ ୧୫ ତାରିଖରେ ଉଠାଇନେଇଥିଲେ।  ଆଉ ଗତ ରବିବାର ଉଭୟେ ହମିରପୁରରେ  ଥିବା ଏକ ମନ୍ଦିରରେ ବିବାହ କରିଛନ୍ତି।  ଆଉ ଚାଲିଥିବା ଡ୍ରାମାର ଦି ଏଣ୍ଡ ହୋଇଛି।

Courtesy-hindustan times (information and video)