ଋଷିଆ ସହ ଭାରତ ସ୍ୱାକ୍ଷରିତ କରିବ ଗୁରୁତ୍ୱପୂର୍ଣ୍ଣ ପ୍ରତିରକ୍ଷା ଚୁକ୍ତି

ନୂଆଦିଲ୍ଲୀ: ଆଜି ଠାରୁ ନୂଆ ଦିଲ୍ଲୀରେ ଆରମ୍ଭ ହେଉଛି ବ୍ରିକ୍ସ ସମ୍ମିଳନୀ। ଏଥିରେ ଭାରତ ବ୍ୟତୀତ ବ୍ରାଜିଲ, ଋଷିଆ, ଚାଇନା ଓ ଦକ୍ଷିଣ ଆଫ୍ରିକାର ରାଷ୍ଟ୍ରମୁଖ୍ୟମାନେ ଯୋଗ ଦେବେ। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେତେକ ଗୁରୁତ୍ୱପୂର୍ଣ୍ଣ ବୈଠକରେ ଯୋଗ ଦେବେ। ତେବେ ଏହି ଗସ୍ତ ସମୟରେ ଋଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ମୋଦି କେତେକ ଗୁରୁତ୍ୱପୂର୍ଣ୍ଣ ପ୍ରତିରକ୍ଷା ଚୁକ୍ତି ସ୍ୱାକ୍ଷର କରିବାର ସମ୍ଭାବନା ରହିଛି।

୫ ବିଲିୟନ ଡଲାର (ପ୍ରାୟ ୩୩,୦୦୦ କୋଟି ଟଙ୍କା) ବିନିମୟରେ ଭାରତ ଋଷିଆଠାରୁ ‘ଏସ-୪୦୦’ କ୍ଷେପଣାସ୍ତ୍ର ସୁରକ୍ଷା ପ୍ରଣାଳୀ କିଣିବ। ‘ଏସ-୪୦୦’ ଦ୍ୱାରା ଯେକୌଣସି କ୍ଷେପଣାସ୍ତ୍ରକୁ ୪୦୦ କିଲୋମିଟର ଦୂରତାରୁ ରୋକା ଯାଇପାରିବ। ଏହାଦ୍ୱାରା ଯୁଦ୍ଧ ସମୟରେ ଭାରତୀୟ ସୀମାରେ କୌଣସି କ୍ଷେପଣାସ୍ତ୍ର ପ୍ରବେଶ କରିବା କଷ୍ଟକର ହୋଇଯିବ। ଚୁକ୍ତି ପାଇଁ ଉଭୟ ଦେଶ ସହମତି ପ୍ରକାଶ କରିଛନ୍ତି।

ଆସନ୍ତାକାଲି ଏହି ଚୁକ୍ତି ସ୍ୱାକ୍ଷର କରାଯିବ ବୋଲି ସୂଚନା ମିଳିଛି।