ସର୍ବନିମ୍ନ ମଜୁରୀ ବୃଦ୍ଧି ନେଇ ସେପ୍ଟେମ୍ବର ୧ରେ ଶ୍ରମିକଙ୍କ ସହ ଆଲୋଚନ କରିବେ କେଜ୍ରିୱାଲ

ନୂଆଦିଲ୍ଲୀ: ଦିଲ୍ଲୀର ଆମ୍‌ ଆଦ୍‌ମୀ ପାର୍ଟି ସରକାର ଶ୍ରମିକଙ୍କ ମଜୁରୀ ବଢ଼ାଇବା ନିଷ୍ପତ୍ତି କାର୍ଯ୍ୟକାରୀ କରିବାରେ ଡେରି କରିବାକୁ ଚାହୁଁ ନାହାନ୍ତି। ସେପ୍ଟେମ୍ୱର ୧ ତାରିଖରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ତଲାକଟେରା ଷ୍ଟାଡିୟମ୍‌ରେ ଏ ନେଇ ଶ୍ରମିକଙ୍କୁ ସମ୍ୱୋଧିତ କରିବାର କାର୍ଯ୍ୟକ୍ରମ ରହିଛି। ଏଥିରେ ୧୦୦୦ରୁ ଊର୍ଦ୍ଧ୍ୱ ଶ୍ରମିକ ଯୋଗଦେବେ ବୋଲି ଆଶା କରାଯାଉଛି।

ଶ୍ରମମନ୍ତ୍ରୀ ଗୋପାଲ ରାୟ କହିଛନ୍ତି, “ମୋର କେନ୍ଦ୍ରୀୟ ଟ୍ରେଡ୍‌ ୟନିୟନ୍‌ କର୍ମକର୍ତ୍ତାଙ୍କ ସହିତ ସାକ୍ଷାତ ଆଲୋଚନା ହୋଇଛି। ସର୍ବନିମ୍ନ ମଜୁରୀ ୨୦ ହଜାର ଟଙ୍କା କରିବାକୁ ସେମାନେ ଦାବି କରୁଛନ୍ତି। ଏ ନେଇ ଟ୍ରେଡ୍‌ ୟନିୟନ୍‌ କର୍ମକର୍ତ୍ତା କେନ୍ଦ୍ର ସରକାରଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଉପରାଜ୍ୟପାଳ ନଜୀବ ଜଙ୍ଗଙ୍କ ସହ ମଧ୍ୟ ଏ ନେଇ ମୁଁ ଆଲୋଚନା କରିଛି। ଚଳିତ ସପ୍ତାହରେ ସେ ସର୍ବନିମ୍ନ ମଜୁରୀକୁ ନେଇ ନିଷ୍ପତ୍ତି ନେବେ ବୋଲି ମୋତେ କହିଛନ୍ତି।”