ଚଳନ୍ତା ହଣ୍ଡା ସିଟି କାର୍‌ରେ ଲାଗିଲା ନିଆଁ, ଆଉ ତା’ ପରେ, ଦେଖନ୍ତୁ ଭିଡିଓ

ଗୁରୁଗ୍ରାମ: କାର୍‌ରେ ନିଆଁ ଲାଗିଯିବା କିଛି ନୂଆ କଥା ନୁହେଁ। କିନ୍ତୁ ଏକ ଦ୍ରୁତଗାମୀ ହଣ୍ଡାସିଟି କାରରେ ନିଆଁ ଲାଗିବା ପରେ ଗାଡ଼ି ଚଳାଉଥିବା ବ୍ୟକ୍ତି ଜଣଙ୍କ କେମତି ତା
ଭିତରୁ ଡିଆଁ ମାରି ଅଳ୍ପକେ ରକ୍ଷା ପାଇଯାଉଛନ୍ତି, ତା’ର ଲାଇଭ ଭିଡିଓ ଦେଖିବାକୁ ଆପଣ ନିଶ୍ଚୟ ଚାହିଁବେ।

ଦିଲ୍ଲୀ ଏନ୍‌ସିଆର ଅନ୍ତର୍ଗତ ଗୁରୁଗ୍ରାମ ଫ୍ଲାଏଓଭର୍‌ରେ ଏଭଳି ଏକ ଘଟଣା ଘଟିଛି। ଦୀପାବଳି ଉପଲକ୍ଷେ ରାକେଶ ନାମକ ଜଣେ ବ୍ୟକ୍ତି ତାଙ୍କ ବନ୍ଧୁ ଓ ସମ୍ପର୍କୀୟଙ୍କୁ ମିଠା ବାଣ୍ଟିବାକୁ ଯାଉଥିଲେ। ହେଲେ ହଠାତ ସେ ଚଳାଉଥିବା ହଣ୍ଡା ସିଟି କାର୍‌ଟି ଗୁରୁଗ୍ରାମ ଫ୍ଲାଏଓଭର୍‌ରେ ପହଞ୍ଚିବା କ୍ଷଣି ଏଥିରୁ ଧୂଆଁ ବାହାରିଥିଲା। ଏଥିରେ ଭୟଭୀତ ହୋଇ ରାକେଶ ଚଳନ୍ତା କାର୍‌ରୁ ଡେଇଁ ପଡ଼ିଥିଲେ। ଏହାପରେ କାର୍‌ଟିରେ ଭୟଙ୍କର ନିଆଁ ଲାଗିଯାଇଥିଲା। ଅବଶ୍ୟ ରାକେଶ ନିଜ କାର୍‌ ପଛରେ ଦୌଡ଼ି ଦୌଡ଼ି ଅପରପାର୍ଶ୍ଵରୁ ଆସୁଥିବା ଲୋକଙ୍କୁ ସତର୍କ କରାଉଥିଲେ। ତଥାପି ଜଳନ୍ତା ଗାଡ଼ିଟି ଫ୍ଲାଏଓଭର୍‌ର ରଙ୍ଗ ୱେରେ ଆସୁଥିବା ଏକ ଅଟୋକୁ ଧକ୍କା ଦେଇଥିଲା। ସୌଭାଗ୍ୟଶତଃ ଅଟୋ ଡ୍ରାଇଭର୍‌ ଜଣଙ୍କ ଅଟୋରୁ ବାହାରି ଯାଇଥିବାରୁ ଅଳ୍ପକେ ରକ୍ଷା ପାଇଯାଇଛି।

ଏହି ଘଟଣାଟି ପୂରା କ୍ୟାମେରାରେ କଏଦ ହୋଇଥିବା ବେଳେ ଏବେ ଏହା ସୋଶାଲ୍‌ ମିଡିଆରେ ଭାଇରାଲ୍‌ ହେବାରେ ଲାଗିଛି।

ଦେଖନ୍ତୁ ଭିଡିଓ