ଏମିତି ଇଂରାଜୀ ଲେଖିଲେ ଶଶି ଥରୁର୍‌, ଗୁଗଲ୍‌ କି ଡିକ୍ସନାରୀରେ ବି ମିଳିଲାନି ଅର୍ଥ

ନୂଆଦିଲ୍ଲୀ: କଂଗ୍ରେସ ସାଂସଦ ଶଶି ରଥୁର୍‌ ଜଟିଳ ଇଂରାଜୀ ଶବ୍ଦ କହିବା ଓ ଲେଖିବା ପାଇଁ ବେଶ ପରିଚିତ।  ବହୁତ ସମୟରେ ସେ ଏମିତି ଇଂରାଜୀ ଶବ୍ଦ ଲେଖିଥାନ୍ତି, ଯାହାର ଅର୍ଥ ବୁଝିବା ସାଧାରଣ ଲୋକଙ୍କ ପକ୍ଷେ କଷ୍ଟକର ହୋଇଯାଏ। ଏବେ ସେମିତି ଏକ ଶବ୍ଦ ଲେଖି ଚର୍ଚ୍ଚାକୁ ଆସିଛନ୍ତି ଥରୁର୍‌। ଗୁରୁତ୍ୱପୂର୍ଣ୍ଣ କଥା ହେଲା ସେ ଲେଖିଥିବା ଇଂରାଜୀ ଶବ୍ଦର ଅର୍ଥ ଗୁଗଲ୍‌ ବି ଦେଇ ପାରି ନଥିଲା। ଏପରିକି କିଛି ଲୋକ ଡିକ୍ସନାରୀ ଖୋଳି ଏହାର ଅର୍ଥ ବାହାର କରିବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଥରୁର୍‌ ନୂଆ ବହି ଲେଖିଛନ୍ତି। ଏହି ବହି ସମ୍ପର୍କରେ ସେ ସୂଚନା ଦେବାକୁ ବୁଧବାର ଏକ ଟ୍ୱିଟ୍‌ କରିଥିଲେ। ଏଥିରେ ସେ ଏକ ଶବ୍ଦ ‘floccinaucinihilipilification’ ଉଲ୍ଲେଖ କରିଥିଲେ। ସେ ପୋଷ୍ଟ କରିବା ପରେ ସୋଶାଲ୍‌ ମିଡିଆରେ ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଥିଲା।

ଏପରି ଶବ୍ଦକୁ ନେଇ ଥରୁର୍‌ଙ୍କୁ କିଛି ଲୋକ କଟାକ୍ଷ ମଧ୍ୟ କରିବାକୁ ପଛାଇ ନଥିଲେ। ଜଣେ ୟୁଜର୍‌ କଟାକ୍ଷ କରି ଲେଖିଥିଲେ, କ’ଣ ବହି କିଣିଲେ ଡିକ୍ସନାରୀ ମାଗଣାରେ ମିଳିବ।

ଥରୁର୍‌ ତାଙ୍କ ଟ୍ୱିଟ୍‌ରେ ଉଲ୍ଲେଖ କରିଥିଲେ ‘My new book, THE PARADOXICAL PRIME MINISTER, is more than just a 400-page exercise in floccinaucinihilipilification. Pre-order it to find out why!’ ।

ଥରୁର୍‌ ଲେଖିଥିବା ଶବ୍ଦ floccinaucinihilipilificationର ଅର୍ଥ କେହି କେହି ‘କୌଣସି ବିଷୟରେ ଆଲୋଚନା କରିବାର ଅଭ୍ୟାସ, ସେ ଭୁଲ ହେଉକି ଠିକ୍‌’ ବୋଲି କହୁଛନ୍ତି। ସେହିପରି ଆଉ କିଛି ଲୋକ ଏହି ଶବ୍ଦର ଅର୍ଥ ‘ବେକାରରେ କୌଣସି ବିଷୟରେ ଅନୁମାନ ଲଗାଇବାର ଅଭ୍ୟାସ’ ବୋଲି କହୁଛନ୍ତି।