ମାଆ ନୁହେଁ ରାକ୍ଷସୀ: ବସ୍ତାରେ ପୂରାଇ କ’ଣ କଲେ ପିଲା ସହ, ଦେଖନ୍ତୁ ଭିଡିଓ

ମାଆ ଏହି ଗୋଟିଏ ଶବ୍ଦରେ ଭରି ରହିଛି ସଂସାରର ସମସ୍ତ ସ୍ନେହ,ମମତା ଓ ନିଶ୍ୱାର୍ଥପରତା। ଦୁନିଆର ସବୁଠୁ ନିଆରା ସମ୍ପର୍କ ମାଆ ସହ ତା ସନ୍ତାନର। ମାଆର କୌଣସି ତୁଳନାନାହିଁ। ସବୁ ଭାବନା, ସବୁ ସମ୍ପର୍କଠୁ ସେ ଉପରେ। କିନ୍ତୁ ଯେତବେଳେ ସେହି ମାଆ ଶବ୍ଦ ପୂର୍ବରୁ ସାବତ ଲାଗିଯାଏ ସବୁକିଛି ବଦଳିଯାଏ। ସ୍ନେହ-ମମତାର ସମ୍ପର୍କ ଭାଙ୍ଗିଯାଏ ଓ ତା ଯାଗା ଅକ୍ତିଆର କରିନିଏ ଯାତନା-ଯନ୍ତ୍ରଣାର ନିଷ୍ଠୁର ସମ୍ପର୍କ। ସେମିତି ଏକ ସମ୍ପର୍କ ଚଣ୍ଡିଗଡର ଜସ୍‌ପ୍ରିତ୍ କୌରଙ୍କ ସହ ତାଙ୍କ ତିନି ବର୍ଷର ଝିଅର। ଯାହା ଏବେ ସାଧାରଣ ଜନମାନସରେ ଚର୍ଚ୍ଚାରେ ରହିଛି।

ଚଣ୍ଡିଗଡରେ ରୁହନ୍ତି ଜସ୍‌ପ୍ରିତ୍। ସନ୍ତାନ ୩ଟି। ଜସ୍‌ପ୍ରିତ୍‌ ମନମୋହନ ସିଂକୁ କିଛିଦିନ ତଳେ ଦ୍ୱିତୀୟ ବିବାହ କରିଥିଲେ।  ମନମୋହନଙ୍କ ଔରଷରୁ ଏକ ୪ବର୍ଷର ଝିଅ ଅଛି। ମନମୋହନକୁ ପତି ମାନୁଥିଲେ ମଧ୍ୟ ଏହି କୁନି ଝିଅ ପ୍ରତି ତାଙ୍କର ସାମାନ୍ୟତମ ମମତା ନାହିଁ। ମନମୋହନ ଘରେ ନଥିବା ସମୟରେ ସେ ତାକୁ ଅକଥନୀୟ ନିର୍ଯ୍ୟାତନା ଦିଇଥାନ୍ତି। ସେ ନିର୍ଯ୍ୟାତନା ଦେବା ସମୟର ଗୋଟିଏ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ସେ ଯେଉଁ ଭଳି ଭାବରେ ପିଲାଟିକୁ ନିର୍ଯ୍ୟାତନା ଦେଉଛନ୍ତି ଦେଖିଲେ ଆପଣଙ୍କ ଲୋମ ଟାଙ୍କୁରି ଉଠିବ।

ଜସ୍‌ପ୍ରିତି ତାଙ୍କ ୪ବର୍ଷର ସାବତ ଝିଅକୁ ଗୋଟେ ବସ୍ତାରେ ପୁରାଇ ରଖିଛନ୍ତି। ବସ୍ତା ଭିତରେ ଥିବା ଝିଅଟି କାନ୍ଦୁଛି ଓ ଚିତ୍କାର କରୁଛି। କିନ୍ତୁ ଜସ୍‌ପ୍ରିତ୍ ତାକୁ ସେ ବସ୍ତାରୁ ବାହାର କରିବାକୁ ନାରାଜ। ପିଲାଟିକୁ ସେ କେବଳ ବସ୍ତାରେ ବାନ୍ଧି ନାହାଁନ୍ତି। ବସ୍ତାଟିକୁ ମଝିରେ ମଝିରେ ଜୋରରେ ହଲାଉଛନ୍ତି। ତେବେ ଏତେ ସବୁ କରିବା ପଛର କାରଣ କ’ଣ ଥାଇପାରେ? କଥାଟି ହେଲା, ସେ ପିଲାଟିକୁ ତା’ ସ୍କୁଲ ସମ୍ପର୍କରେ କିଛି ପଚାରି ବୁଝିବାକୁ ଚାହୁଁଛନ୍ତି। ପିଲାଟି ଉତ୍ତର ନଦେବାରୁ ସେ ତାକୁ ଦଣ୍ଡ ସ୍ୱରୁପ ଏମିତି ନିର୍ଯ୍ୟାତନା ଦେଉଛନ୍ତି।

ଏ ସବୁର କାରନାମାକୁ ଭିଡିଓ ରେକର୍ଡ କରିଛନ୍ତି ନିର୍ଯ୍ୟାତନାର ଶିକାର କୁନି ଝିଅର ଭାଇ। ଏ ସବୁ କାରନାମା ଦେଖିବାପରେ ଜସ୍‌ପ୍ରିତ୍‌ଙ୍କର ସ୍ୱାମୀ ମନମୋହନ ପୋଲିସ ପାଖରେ ପହଁଚି ଏତଲା ଦେଇଛନ୍ତି। ଏହି ମାମାଲା ଏବେ ଶିଶୁ ଆଧିକାର ଆଇନ ଅନ୍ତର୍ଭୁକ୍ତ ହୋଇଛି।