ଜାରି ହେଲା ସର୍ଜିକାଲ ଷ୍ଟ୍ରାଇକ୍‌ର ଭିଡିଓ, ଦୁଇବର୍ଷ ତଳେ ହୋଇଥିଲା ଅପରେସନ୍‌

ନୂଆଦିଲ୍ଲୀ: ୨୦୧୬ ସେପ୍ଟେମ୍ବର ୨୮ ଓ ୨୯ ତାରିଖ ରାତିରେ ଭାରତୀୟ ଯବାନ ପାକିସ୍ତାନ ସୀମା ମଧ୍ୟରେ ପ୍ରବେଶ କରି ସର୍ଜିକାଲ ଷ୍ଟ୍ରାଇକ୍‌ କରିଥିଲେ। ଜାମ୍ମୁ-କାଶ୍ମୀରର ଉରୀ ସେକ୍ଟରରେ ଭାରତୀୟ ସେନା କ୍ୟାମ୍ପ ଉପରେ ହୋଇଥିବା ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ ଭାରତ ପକ୍ଷରୁ ଏହି ସର୍ଜିକାଲ ଷ୍ଟ୍ରାଇକ୍‌ କରାଯାଇଥିଲେ। ଏଥିରେ ୫୦ରୁ ଅଧିକ ଆତଙ୍କବାଦୀ ଓ ଦୁଇଜଣ ପାକିସ୍ତାନୀ ଯବାନଙ୍କ ମୃତ୍ୟୁ ଘଟିଥିଲା। ପ୍ରାୟ ୨ ବର୍ଷ ପରେ ଭାରତୀୟ ଯବାନଙ୍କ ଏହି ବୀରତ୍ୱର ଭିଡିଓ ପଦାକୁ ଆସିଛି।

ଏଥିରେ ଦେଖିବାକୁ ମିଳୁଛି, ଭାରତୀୟ ଯବାନ ପାକିସ୍ତାନ ସୀମା ଭିତରକୁ ୩ କିମି ପର୍ଯ୍ୟନ୍ତ ପଶି ଏହି ସର୍ଜିକାଲ ଷ୍ଟ୍ରାଇକ୍‌କୁ ସଫଳ କରିଥିଲେ। ଏଥିରେ ଭାରତୀୟ ଯବାନମାନେ ରକେଟ୍‌ ଲଞ୍ଚର, ମିସାଇଲ ଓ ଛୋଟ ଅସ୍ତ୍ରଶସ୍ତ୍ରରେ ବ୍ୟବହାର କରିଥିଲେ।

surgical୮ଟି ଟିମ୍‌, ୧୫୦ ଯବାନ

ଏହି ସର୍ଜିକାଲ ଷ୍ଟ୍ରାଇକ୍‌ରେ ୧୫୦ ଭାରତୀୟ ଯବାନ ସାମିଲ ହୋଇଥିଲେ। ଏମାନଙ୍କୁ ୮ଟି ଟିମ୍‌ରେ ଭାଗ କରାଯାଇଥିଲା। ଗୋଟିଏ ଟିମ୍‌ ଆକାଶ ପଥରୁ ଆକ୍ରମଣ କରିଥିବା ବେଳେ ବାକି ୭ଟି ଟିମ୍‌ ସ୍ଥଳପଥରେ ସୀମା ପାର କରି ପାକିସ୍ତାନ ସୀମାରେ ଥିବା ଆତଙ୍କବବାଦୀଙ୍କ ଶିବିରକୁ ଉଡାଇ ଦେଇଥିଲେ।

surgicalଏମିତି ଥିଲା ସେଦିନର ରାତି

୨୦୧୬ ସେପ୍ଟେମ୍ବର ୨୮ ଓ ୨୯ ତାରିଖ ରାତିରେ ଏହି ଅଭିଯାନ ହୋଇଥିଲା। ଗୋଟିଏ ଟିମ୍‌ରେ ୩୦ ଯବାନ ପାକିସ୍ତାନୀ ରାଡରରୁ ନିଜକୁ ବଞ୍ଚାଇ ଆକାଶରେ ୩୫,୦୦୦ ଫୁଟ ଉପରେ ଘାତକ ଆକ୍ରମଣ କରିବାକୁ ପ୍ରସ୍ତୁତ ହୋଇ ରହିଥିଲେ। ଅନ୍ୟ ୭ଟି ଟିମ୍‌ ସୀମା ପାର କରି ଗୁରୁଣ୍ଡି ଗୁରୁଣ୍ଡି ୩ କିମି ପାକିସ୍ତାନ କ୍ଷେତ୍ରରେ ପଶିଥିଲେ।

ଆକାଶ ମାର୍ଗରେ ଜଗିଥିବା ଯବାନମାନେ Kalashnichov, Towers, Rocket Propelled Gunsରେ ସଜ୍ଜିତ ହୋଇ ରହିଥିଲେ। ସିଗନାଲ ମିଳିବା ମାତ୍ରେ ୩୫,୦୦୦ ଫୁଟ ଉପରୁ ଖୀପ୍ରଗତିରେ ତଳକୁ ଖସି ନିଜ କାମ କରିଦେଇଥିଲେ। ଏହି ସମୟରେ ସ୍ଥଳପଥରେ ଯାଇଥିବା ଯବାନମାନେ କାଳବିଳମ୍ବ ନକରି ଆତଙ୍କବାଦୀଙ୍କୁ ମାରିଥିଲେ। ମାତ୍ର କିଛି ସମୟ ମଧ୍ୟରେ ଆତଙ୍କବାଦୀଙ୍କ ୬ଟି ଲଞ୍ଚପ୍ୟାଡ ଧ୍ୱଂସ ହୋଇଯାଇଥିଲା। ଏଥିରେ ୫୦ରୁ ଅଧିକ ଆତଙ୍କବାଦୀ ମୃତ୍ୟ ହୋଇଥିବା ବେଳେ ୨ ଜଣ ପାକିସ୍ତନୀ ଯବାନ ମଧ୍ୟ ପ୍ରାଣ ହରାଇଥିଲେ। ଚୁପଚାପ ନିଜ କାମ ସାରିବା ପରେ ଯବାନମାନେ ପୂର୍ବ ଯୋଜନା ଅନୁସାରେ ଭାରତକୁ ଚାଲି ଆସିଥିଲେ।

ସୌଜନ୍ୟ: ୟୁଟ୍ୟୁବ୍‌ରୁ ବିଡିଓଟି ଅଣା ଯାଇଛି। ଏହା WION ରେ ପ୍ରସାରିତ ହୋଇଛି।

ସପ୍ତାହେ ପୂର୍ବରୁ ଆତଙ୍କବାଦୀଙ୍କ ଉପରେ ରଖାଯାଇଥିଲା ନଜର

ସର୍ଜିକାଲ ଷ୍ଟ୍ରାଇକ୍‌ର ଏକ ସପ୍ତାହ ପୂର୍ବରୁ ଆତଙ୍କବାଦୀଙ୍କ ଲଞ୍ଚିଙ୍ଗ ପ୍ୟାଡ ଉପରେ ଗୁଇନ୍ଦା ବିଭାଗ ନଜର ରଖିଥିଲା। ‘ର’ ଓ ‘ମିଲେଟାରୀ ଇଣ୍ଟେଲିଜେନ୍ସି’ ଆତଙ୍କବାଦୀଙ୍କ ସବୁ ଗତିବିଧି ଉପରେ ଟିକନିଖ ନଜର ରଖିଥିଲେ।

ଉରୀ ବେସ୍‌ କ୍ୟାମ୍ପର ପ୍ରତିଶୋଧ

୨୦୧୬ରେ ଆତଙ୍କବାଦୀମାନେ ଆର୍ମୀର ଉରୀ ବେସ୍‌ କ୍ୟାମ୍ପ ଉପରେ କରିଥିବା ଆକ୍ରମଣର ପ୍ରତିଶୋଧ ଭାରତ ଏହି ସର୍ଜିକାଲ ଷ୍ଟ୍ରାଇକ୍‌ ମାଧ୍ୟମରେ ନେଇଥିଲା। ଆତଙ୍କବାଦୀଙ୍କ ଏହି ଆକ୍ରମଣରେ୧୯ ଜଣ ଯବାନ ସହିଦ ହୋଇଯାଥିଲେ।

surgical-strike