ବିଜେପିରେ ମିଶିଲେ ଟିଡିପିର ଜାତୀୟ ମୁଖପାତ୍ର

ନୂଆଦିଲ୍ଲୀ: ଟିଡିପି ସୁପ୍ରିମୋ ତଥା ଆନ୍ଧ୍ର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଏନ୍‌ ଚନ୍ଦ୍ରବାବୁ ନାଇଡୁଙ୍କୁ ବିଜେପି ଗୋଟିଏ ପରେ ଗୋଟିଏ ଝଟ୍‌କା ଦେଇଛାଲିଛି। ଟିଡିପିର ବରିଷ୍ଠ ବିଜେପି ନେତା ତଥା ଜାତୀୟ ମୁଖପାତ୍ର ଲଙ୍କା ଦିନାକର ଦଳକୁ ବାଏବାଏ କହିଛନ୍ତି। ଖାଲି ସେତିକି ନୁହେଁ ଦଳ ଛାଡ଼ି ସେ ବିଜେପିରେ ସାମିଲ ହୋଇଛନ୍ତି। ଶ୍ରୀ ଦିନାକର ବିଜେପିର କାର୍ଯ୍ୟକାରୀ ଅଧ୍ୟକ୍ଷ ଜେପି ନଡ୍ଡାଙ୍କ ଉପସ୍ଥିତିରେ ବିଧିବଦ୍ଧ ଭାବେ ପଦ୍ମ ଧରିଛନ୍ତି।

ଦିନାକର ଟିଡିପି ସୁପ୍ରିମୋ ଚନ୍ଦ୍ରବାବୁ ନାଇଡୁଙ୍କୁ ପଠାଇଥିବା ଇସ୍ତଫାପତ୍ରରେ ଲେଖିଛନ୍ତି ଯେ ,“ମୁଁ ଜାତୀୟ ମୁଖପାତ୍ର ଓ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଉଛି। ମୋ ପରିବାରର ଲୋକଙ୍କ ନିଷ୍ପତ୍ତି କ୍ରମେ ମୁଁ ଦଳ ଛାଡ଼ିବାକୁ ସ୍ଥିର କରିଛି।”

ଇଣ୍ଡିଆନ୍‌ ନ୍ୟାଶନାଲ ଲୋକ ଦଳ(ଆଇଏନ୍‌ଏଲ୍‌ଡି)ର ରାଜ୍ୟସଭା ସଦସ୍ୟ ରାମ କୁମାର କଶ୍ୟପ ଓ ପୂର୍ବତନ ସାଂସଦ ଏପି ଅବଦୁଲ୍ଲାକୁଟି ମଧ୍ୟ ବିଜେପିରେ ସାମିଲ ହୋଇଛନ୍ତି। ଏହାପୂର୍ବରୁ ଟିଡିପିର ୪ ଜଣ ରାଜ୍ୟସଭା ସାଂସଦ ମଧ୍ୟ ଦଳ ଛାଡ଼ି ପଦ୍ମ ଧରିଥିଲେ।