ପ୍ରଧାନମନ୍ତ୍ରୀଙ୍କ ସହ ଚନ୍ଦ୍ରୟାନ ୨ ଅବତରଣ ଦେଖିବେ ରଶି ବର୍ମା

ନୂଆଦିଲ୍ଲୀ: ଚନ୍ଦ୍ରାୟାନ ୨ ମହାକାଶ ଯାନ ସେପ୍ଚେମ୍ୱର ୭ ତାରିଖରେ ଚନ୍ଦ୍ରରେ ଅବତରଣ କରିବ। ଏହି ସମୟରେ ବାଙ୍ଗାଲୋରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ପ୍ରତି ରାଜ୍ୟର ଦୁଇଜଣ ଲେଖାଏ ବିଦ୍ୟାର୍ଥୀ ଏହି ବିରଳ ଦୃଶ୍ୟ ଦେଖିବେ। ସେମାନଙ୍କ ମଧ୍ୟରେ ରହିବେ ଦିଲ୍ଲୀର ଜଣେ ୧୦ମ ଶ୍ରେଣୀ ଛାତ୍ରୀ।

ଉତ୍ତର ପ୍ରଦେଶ ଲକ୍ଷ୍ନୌର ୧୦ମ ଶ୍ରେଣୀର ଛାତ୍ର ରଶି ବର୍ମା ଦିଲ୍ଲୀ ପବ୍ଲିକ୍ ସ୍କୁଲର ଛାତ୍ରୀ। ପ୍ରଧାନମନ୍ତ୍ରୀଙ୍କ ସହିତ ଚନ୍ଦ୍ରୟାନ-୨ ଅବତରଣ ଦେଖିବା ପାଇଁ ଆଗ୍ରହୀ ଛାତ୍ରଛାତ୍ରୀଙ୍କ ପାଇଁ ଏକ ଅନଲାଇନ୍ କୁଇଜ୍ ପରୀକ୍ଷା ହୋଇଥିଲା। ଏହି ପରୀକ୍ଷାରେ ପ୍ରତି ରାଜ୍ୟରୁ ଦୁଇ ଜଣ ଚୟନ ହୋଇଛନ୍ତି। ସେମାନଙ୍କ ମଧ୍ୟରେ ଉତ୍ତର ପ୍ରଦେଶରୁ ରଶି ବର୍ମା ପ୍ରଧାନମନ୍ତ୍ରୀଙ୍କ ସହିତ ବସି ଚନ୍ଦ୍ରାୟାନ-୨ ଅବତରଣ ଦେଖିପାରିବେ।

ପ୍ରଧାନମନ୍ତ୍ରୀଙ୍କ ସହିତ ଚନ୍ଦ୍ରାୟାନ-୨ ଅବତରଣ ଦେଖିବା ପାଇଁ ସୁଯୋଗ ପାଇଥିବାରୁ ରଶି ଖୁସି ପ୍ରକାଶ କରିଛନ୍ତି। ଆଗାମୀ ଦିନରେ ସେ ଭାରତୀୟ ପ୍ରଶାସନିକ ସେବାରେ ଯୋଗ ଦେବାକୁ ଇଚ୍ଛା ରଖିଥିବା କଥା ପ୍ରଧାନମନ୍ତ୍ରୀଙ୍କୁ କହିବେ ବୋଲି ରଶି ବର୍ମା କହିଛନ୍ତି।