ଆଜି ମହାକାଶକୁ ଯିବ ନେଭିଗେସନ୍ ସାଟେଲାଇଟ୍

ହାଇଦ୍ରାବାଦ,(ଓଡ଼ିଶା ରିପୋର୍ଟର): ଆନ୍ଧ୍ରପ୍ରଦେଶର ଶ୍ରୀହରିକୋଟାସ୍ଥିତ ସତୀଶ ଧାଓ୍ୱନ ଲଞ୍ଚ୍ ଷ୍ଟେସନରୁ ଆଜି ଦେଶର ଅଷ୍ଟମ ନେଭିଗେସନ୍ ସାଟେଲାଇଟ୍- IRNSS-1H ଉତ୍‌କ୍ଷେପଣ କରାଯିବ । ଆଜି ସଂଧ୍ୟା ୭ଟାରେ ୧୪ଶହ ୨୫ କିଲୋଗ୍ରାମ୍ ଓଜନର ଏହି ସାଟେଲାଇଟ କୁ  PSLV-XL ରକେଟ୍  ସାହାଯ୍ୟରେ ମହାକାଶକୁ ପଠାଯିବ । ଇଣ୍ଡିଆନ  ରିଜିଓନାଲ୍ ନାଭିଗେସନ୍ ସାଟେଲାଇଟ୍ ସିଷ୍ଟମର ଏହା ଏକ ଅଂଶବିଶେଷ ହୋଇଥିବା ଏହି ଉପଗ୍ରହ IRNSS-1Aର ସ୍ଥାନ ନେବ ।

ଆମେରିକାର GPS ସହ ଏହା ସମକକ୍ଷ। ୧୪ଶହ ୨୦ କୋଟି ଟଙ୍କା ବ୍ୟୟରେ ନିର୍ମିତ ଏହି ସାଟେଲାଇଟ୍, ଜାହାଜ ଚଳାଚଳ, ଭୂପୃଷ୍ଠ ପରିବହନ ଓ ଟ୍ରେନ୍ ଚଳାଚଳ କ୍ଷେତ୍ରରେ ସହାୟକ ହେବ। ସେହିପରି ସମୁଦ୍ରରେ ଅନ୍ତର୍ଜାତୀୟ ଜଳସୀମା ଚିହ୍ନଟରେ  ମଧ୍ୟ ଏହା ଧୀବରମାନଙ୍କୁ ସାହାଯ୍ୟ କରିବ। ପ୍ରଥମ ଥର ଲାଗି ଏକ ଘରୋଇ ସଂସ୍ଥାନ ପକ୍ଷରୁ  ଏଭଳି ଏକ କୃତ୍ରିମ ଉପଗ୍ରହ ତିଆରି କରାଯାଇଛି।

This website uses cookies to improve your experience. We'll assume you're ok with this, but you can opt-out if you wish. AcceptRead More