ସିଗନେଚର ବ୍ରିଜ୍‌ ନେଲା ଦୁଇ ମେଡିକାଲ ଛାତ୍ରଙ୍କ ମୁଣ୍ଡ

ନୂଆଦିଲ୍ଲୀ: ନୂଆ କରି ଖୋଲିଥିବା ଦିଲ୍ଲୀର ସିଗନେଚର ବ୍ରିଜ୍‌ ଆଜି ଦୁଇଟି ମୁଣ୍ଡ ନେଇଛି। ଦୁଇଜଣ ମେଡିକାଲ୍‌ ଛାତ୍ର ଦ୍ରୁତଗତିରେ ବାଇକ୍ ଚଳାଇ ସିଗନେଚର ବ୍ରିଜ୍‌ ଉପରେ ଯାଉଥିବା ବେଳେ ଗାଡ଼ିଟି ଭାରସାମ୍ୟ ହରାଇ ଡିଭାଇଡରକୁ ଧକ୍କା ଦେଇଥିଲା। ଏହାପରେ ଦୁଇ ଜଣ ଯାକ ଛାତ୍ର ବ୍ରିଜ୍‌ ଉପରୁ ୩୦ ଫୁଟ୍‌ ତଳକୁ ଖସିପଡ଼ିଥିଲେ। ଘଟଣାସ୍ଥଳରେ ହିଁ ଉଭୟଙ୍କର ମୃତ୍ୟୁ ଘଟିଥିଲା।

ଉତ୍ତର ଦିଲ୍ଲୀର ହିନ୍ଦୁ ରାଓ ମେଡିକାଲ୍‌ କଲେଜ୍‌ର ଛାତ୍ର ସତ୍ୟ ବିଜୟ ଶଙ୍କରନ୍‌ ଓ ଚନ୍ଦ୍ରଶେଖର ଆଜି ସକାଳ ୮.୪୦ରେ ବ୍ରିଜ୍‌ ଅତିକ୍ରମ କରୁଥିଲେ। ଗାଡ଼ି ଉପରେ ବସି ଉଭୟ ସେଲଫି ନେବାକୁ ଚେଷ୍ଟା କରୁଥିବା ବେଳେ ଭାରସାମ୍ୟ ହରାଇ ଡିଭାଇଡର୍‌ରେ ପିଟି ହୋଇଯାଇଥିବା ପୁଲିସ୍‌ ଆଶଙ୍କା ପ୍ରକାଶ କରିଛି।

ଏହି ବ୍ରିଜ୍‌ଟି ନଭେମ୍ବର ୪ରେ ସର୍ବସାଧାରଣଙ୍କ ପାଇଁ ଖୋଲିଥିଲା।