ସିଂହୀ ସହ ବଦମାସି: ଭାଇରାଲ ହେଉଛି ଭିଡିଓ

ନୂଆଦିଲ୍ଲୀ: ସିଂହଙ୍କ ପାଇଁ ଗୁଜରାଟର ‘ଗିର’ ଅଭୟାରଣ୍ୟ ସାରା ବିଶ୍ୱରେ ପ୍ରସିଦ୍ଧ। ଏଠାରେ ସିଂହଙ୍କୁ ପାଖରୁ ଦେଖିବାକୁ ଛୁଟି ଆସିଥାନ୍ତି ହଜାର ହଜାର ପର୍ଯ୍ୟଟକ। ଏଠାରେ ଖୋଲା ଜଙ୍ଗଲରେ ବୁଲୁଥିବା ସିଂହଙ୍କୁ ଦେଖିବାର ମଜା ବି ନିଆରା। ହେଲେ ବେଳେ ବେଳେ ସିଂହଙ୍କୁ ଏଠାରେ ହଇରାଣ କରାଯିବାର ନଜିର ମଧ୍ୟ ରହିଛି। ସିଂହଙ୍କୁ ଖାଇବାକୁ ଦେବାର ଲୋଭ ଦେଖାଇ ହଇରାଣ କରିବା ଏଠାରେ ନୂଆ କଥା ନୁହେଁ। ଏବେ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଏକ ସିଂହୀକୁ କୁକୁଡ଼ା ଦେଖାଇ ହଇରାଣ କରାଯାଉଥିବା ଦେଖିବାକୁ ମିଳିଛି।

gir-forestଭିଡିଓରେ ଦେଖିବାକୁ ମିଳୁଛି, ଜଣେ ବ୍ୟକ୍ତି ଏକ କୁକୁଡ଼ାକୁ ରଶି ସାହାଯ୍ୟରେ ଗଛରେ ବାନ୍ଧି ସିଂହୀକୁ ପାଖକୁ ଆଣିବାକୁ ଯୋଜନା କରିଥିଲା। କୁକୁଡ଼ା ଖାଇବା ଆଶାରେ ସିଂହୀ ମଧ୍ୟ ଗଛ ପାଖକୁ ଆସିଥିଲା। ହେଲେ ଏହାପରେ ଲୋକଟି ଆରମ୍ଭ କରି ଦେଇଥିଲା ବଦମାସି। ସିଂହୀ ଯେତେବେଳେ କୁକୁଡ଼ାଟିକୁ ନେବାକୁ କୁଦା ମରୁଥିଲା ଲୋକଟି ରଶିକୁ ଉପରକୁ ଉଠାଇ ନେଉଥିଲା। ବାରମ୍ବାର କୁଦା ମାରି ବିଫଳ ହେବା ପରେ ସିଂହୀଟି ସେଠାରୁ ଚାଲି ଯାଇଥିଲା।

ୟୁଟ୍ୟୁବରୁ ଅଣାଯାଇଥିବା ଭିଡିଓ ଦେଖନ୍ତୁ

ଆଗରୁ ବି ଏମିତି କରାଯାଇଛି ହଇରାଣ

ଗିର ଅଭୟାରଣ୍ୟରେ ସିଂହଙ୍କୁ ହଇରାଣ କରିବା ଏହା ପ୍ରଥମ ଘଟଣା ନୁହେଁ। ଏଠାରେ ବାରମ୍ବାର ଏହି ଜନ୍ତୁଙ୍କୁ ହଇରାଣ କରିବାର ନଜିର ରହିଛି। ଦୁଇଜଣ ବ୍ୟକ୍ତି ଏକ ସିଂହକୁ ହଇରାଣ କରିଥିଲେ। ସେମାନେ ହାତରେ ବି କୁକୁଡ଼ା ଧରିଥିଲେ। ବେଆଇନ ଭାବେ ଗୁଜରାଟର ଗିରଗଢଡ଼ାରେ ସିଂହ ଶୋ’ କରିବା ଅଭିଯୋଗରେ ଗତମାସ ପୋଲିସ ୭ ଜଣ ଲୋକଙ୍କୁ ଗିରଫ କରିଥିଲା। ଏସିଆର ସିଂହମାନଙ୍କୁ ଖାଇବାର ଲୋଭ ଦେଖାଇ ହଇରାଣ କରିବାର ଏକାଧିକ ଭିଡିଓ ସେମାନଙ୍କ ପାଖରୁ ପୋଲିସ ଜବତ କରିଥିଲା। ସେହିପରି ଗତବର୍ଷ ନଭେମ୍ବରରେ ‘ଗିର’ର ମଧ୍ୟ ଏକ ଭିଡିଓ ଭାଇରାଲ ହୋଇଥିଲା। ଏଥିରେ ଦୁଇଜଣ ବ୍ୟକ୍ତି ବାଇକ୍‌ରେ ବସି ଏକ ସିଂହକୁ ଗୋଡ଼ାଉଥିବା ଦେଖିବାକୁ ମିଳିଥିଲା।

https://www.youtube.com/watch?v=ZJThIt4g9rY