ଏକ୍ସପ୍ରେସ୍‌ ଟ୍ରେନ୍‌ରେ ଲାଗି ଗଲା ନିଆଁ

ନୂଆଦିଲ୍ଲୀ: ଏକ୍ସପ୍ରେସ୍ ଟ୍ରେନ୍‌ରେ ଲାଗିଗଲା ନିଆଁ। ଆଜି ନୂଆଦିଲ୍ଲୀ-ବିଶାଖାପାଟଣା APAC ଏକ୍ସପ୍ରେସ୍‌ ଘଟିଛି ଏହି ଅଗ୍ନିକାଣ୍ଡ।

ଗ୍ୱାଲିୟରର ବିର୍ଲା ନଗର ଷ୍ଟେସନ ନିକଟରେ ଏହି ଅଗ୍ନିକାଣ୍ଡ ଘଟିଛି। ଟ୍ରେନ୍‌ର ବି-୬ ଓ ବି- ୭ କୋଚ୍‌ରେ ନିଆଁ ଲାଗି ଯାଇଛି।। ଘଟଣାସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ କରୁଛନ୍ତି। ଏହାସହ ରେଳବିଭାଗ କର୍ମଚାରୀ ଓ ପୋଲିସ ପହଞ୍ଚିଛନ୍ତି।

ଟ୍ରେନ୍‌ଟି ନିଜାମୁଦ୍ଦିନ୍‌ରୁ ବିଶାଖାପାଟଣା ଯାଉଥିଲା।

ରେଳ ବିଭାଗ ଅଧିକାରୀଙ୍କ କହିବା ଅନୁସାରେ,“ଏହି ଟ୍ରେନ୍‌ଟି ବିର୍ଲା ନଗର ଷ୍ଟେସନ ପାସ୍‌ କରିବା ବେଳେ ହଠାତ୍ ନିଆଁ ଲାଗିଯାଇଥିଲା।”

ନିଆଁ ଲାଗିବା ପରେ ଯେଉଁ ଟ୍ରାକ୍‌ରେ ଟ୍ରେନ୍‌ ରହିଛି, ସେହି ରୁଟ୍‌କୁ ବନ୍ଦ କରି ଦିଆଯାଇଛି।

ନିଆଁ ଲାଗିବାର କାରଣ ସଂପର୍କରେ କିଛି ଜଣାପଡ଼ିନାହିଁ।

ହେଲ୍ପଲାଇନ୍‌ ନମ୍ବର: ବିଶାଖାପାଟଣା ପକ୍ଷରୁ ହେଲ୍‌ପ ଲାଇନ୍ ନମ୍ବର ଜାରି କରାଯାଇଛି। ହେଲ୍‌ପ ଲାଇନ୍ ନମ୍ବର ଗୁଡ଼ିକ ହେଲା –

08912883003, 08912883004, 08912746330, 08912746344।