ଇସ୍ତଫା ଦେଲେ ବିଶ୍ୱ ଭାରତୀ କୁଳପତି

ନୂଆଦିଲ୍ଲୀ: ଇସ୍ତଫା ଦେଲେ ବିଶ୍ୱ ଭାରତୀ କୁଳପତି ସୁଶାନ୍ତ ଦତ୍ତାଗୁପ୍ତା। ପ୍ରଶାସନିକ ଓ ଆର୍ଥିକ ଅନିୟମିତତା ଅଭିଯୋଗ ଆସିବା ପରେ ସେ ନିଜ ପଦରୁ ଇସ୍ତଫା ଦେଇଛନ୍ତି। ସେ ତାଙ୍କ ଇସ୍ତଫାପତ୍ର ରାଷ୍ଟ୍ରପତି ପ୍ରଣବ ମୂଖାର୍ଜୀଙ୍କ ନିକଟକୁ ଇ-ମେଲ୍ କରି ଦେଇଛନ୍ତି।

କେନ୍ଦ୍ର ମାନବ ସମ୍ବଳ ପକ୍ଷରୁ କୁହାଯାଇଛି ଯେ ସୁଶାନ୍ତ ଦତ୍ତାଗୁପ୍ତାଙ୍କ ଇସ୍ତଫାପତ୍ର ସଂପର୍କରେ ରାଷ୍ଟ୍ରପତି ଭବନ ପକ୍ଷରୁ ଅବଗତ କରାଯାଇଛି। ତେବେ ଲିଖିତ ଭାବେ ଇସ୍ତଫାପତ୍ର ଦେବାକୁ ତାଙ୍କୁ କୁହାଯାଇଛି। ଇ-ମେଲରେ ଇସ୍ତଫାପତ୍ର ଗ୍ରହଣୀୟ ନୁହେଁ।

ସୁଶାନ୍ତ ଦତ୍ତାଗୁପ୍ତାଙ୍କ ନାଁରେ ଅନିୟମିତତା ଅଭିଯୋଗ ଆସିବା ପରେ କେନ୍ଦ୍ର ମାନବ ସମ୍ବଳ ମନ୍ତ୍ରଣାଳୟ ପକ୍ଷରୁ ତାଙ୍କୁ କୁଳପତି ପଦରୁ ହଟାଇବା ପାଇଁ ଗତ ସପ୍ତାହରେ ରାଷ୍ଟ୍ରପତିଙ୍କୁ ସୁପାରିଶ କରାଯାଇଥିଲା। ତାଙ୍କୁ ବହିଷ୍କାର କରିବା ପାଇଁ ରାଷ୍ଟ୍ରପତି ସ୍ୱୀକୃତି ଦେଇଥିଲେ। ତେବେ ବହିଷ୍କାର କରିବା ପୂର୍ବରୁ ଆଇନଗତ ପରାମର୍ଶ ନେବାକୁ କହିଥିଲେ।