କଂଗ୍ରେସକୁ ଫେରିବେ କି ବରୁଣ ଗାନ୍ଧି ?

ନୂଆଦିଲ୍ଲୀ: ପ୍ରିୟଙ୍କା ଗାନ୍ଧି ରାଜନୀତିକୁ ଆସିବା ପରେ ଗାନ୍ଧି ପରିବାର ଏକାଠି ହେବାର ସଙ୍କେତ ମିଳିଛି। ଏପରି ସ୍ଥିତିରେ କ’ଣ ବିଜେପି ସାଂସଦ ତଥା ରାହୁଲ ଗାନ୍ଧିଙ୍କ ଦାଦା ପୁଅ ଭାଇ ବରୁଣ ଗାନ୍ଧି କ’ଣ କଂଗ୍ରେସକୁ ଫେରିବେ କି? ଏହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଯାଇଛି।

ଆଜି ଏ ପ୍ରସଙ୍ଗରେ ମୁହଁ ଖୋଲିଛନ୍ତି ରାହୁଲ ଗାନ୍ଧି। ଭୁବନେଶ୍ୱରଠାରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗଦେଇ ରାହୁଲ କହିଛନ୍ତି,“ ବରୁଣ ଗାନ୍ଧି କଂଗ୍ରେସ ଫେରିବେ ବୋଲି ଯେଉଁ ଚର୍ଚ୍ଚା ହେଉଛି, ସେକଥା ମୁଁ ଆଦୌ ଜାଣିନାହିଁ। ତେଣୁ ଏଥିରେ କେତେ ସତ୍ୟତା ଅଛି, ସେକଥା ମୁଁ ଜାଣିନାହିଁ।”

ବରୁଣ ଗାନ୍ଧି ହେଉଛନ୍ତି କେନ୍ଦ୍ରମନ୍ତ୍ରୀ ମାନେକା ଗାନ୍ଧିଙ୍କ ପୁଅ। ବରୁଣ ବିଜେପି ଟିକେଟ୍‌ରୁ ଉତ୍ତର ପ୍ରଦେଶର ସୁଲତାନପୁରରୁ ଲୋକସଭାକୁ ଯାଇଛନ୍ତି।