ମନ୍ଦିରକୁ ପୂଜା କରିବାକୁ ଯାଇଥିଲେ, ଘରକୁ ଡାକି ନେଇ ଦୁଷ୍କର୍ମ କଲେ ପୂଜକ

ନୋଇଡା: ଗ୍ରେଟ୍‌ର ନୋଇଡାର ଧୂମ୍‌ ମାଣିକପୁରା ଗାଁରେ ଏକ ମନ୍ଦିରର ମୁଖ୍ୟ ପୂଜକ ଜଣେ ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ମହିଳାଙ୍କ ଅଭିଯୋଗ ପରେ ବାଦଲ୍‌ପୁର ଥାନା ପୁଲିସ୍‌ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି। ଅଭିଯୁକ୍ତ ପୂଜାରୀ ଫେରାର ହୋଇଯାଇଛନ୍ତି।

ଗ୍ରେଟ୍‌ର ନୋଇଡା ଡିଏସ୍‌ପି ଅବନୀଶ କୁମାର କହିଛନ୍ତି, ଗତ ୯ ତାରିଖରେ ମହିଳା ଜଣଙ୍କ ଜଣେ ସମ୍ପର୍କୀୟ ମହିଳାଙ୍କ ସହ ମନ୍ଦିରକୁ ଯାଇଥିଲେ। ଏହି ସମୟରେ ମୁଖ୍ୟ ପୂଜାରୀ ସ୍ୱାମୀ କହ୍ନେୟା ନନ୍ଦ ତାଙ୍କୁ ନିଜ କୋଠରୀକୁ ଡାକି ନେଇ ଦୁଷ୍କର୍ମ କରିଥିଲେ ବୋଲି ଅଭିଯୋଗ ହୋଇଛି। ଅଭିଯୁକ୍ତକୁ ଧରିବା ପାଇଁ ଉଦ୍ୟମ ଚାଲିଛି।