୩ ବର୍ଷରେ ଜାକିର୍‌ ନାଇକ୍‌ଙ୍କୁ ମିଳିଛି ୬୦ କୋଟି ଟଙ୍କା !

ନୂଆଦିଲ୍ଲୀ: ଜାକିର୍‌ ନାଇକ୍‌ଙ୍କ ବ୍ୟାଙ୍କ୍‌ ଆକାଉଣ୍ଟକୁ ଗତ ୩ ବର୍ଷ ମଧ୍ୟରେ ତିନୋଟି ଭିନ୍ନ ଭିନ୍ନ  ଦେଶରୁ ୬୦ କୋଟି ଟଙ୍କା ଆସିଥିବା ତଦନ୍ତ ବେଳେ ମୁମ୍ୱାଇ ପୋଲିସ୍‌ ଜାଣି ପାରିଛି । ନାଇକ୍‌ଙ୍କ ପରିବାର ସଦସ୍ୟଙ୍କ ସହ ୫ଟି ବ୍ୟାଙ୍କ୍ ଖାତାକୁ ଏହି ଟଙ୍କା ଆସିଛି।

ଏତେ ଟଙ୍କା କେଉଁ ଉଦ୍ଦେଶ୍ୟରେ ଆକାଉଣ୍ଟରେ ଜମା କରାଯାଇଥିଲା ଏନେଇ କୌଣସି ତଥ୍ୟ ମିଳି ନ ଥିବା ତଦନ୍ତକାରୀ ଦଳ  କହିଛି। ଏହି ବ୍ୟାଙ୍କ୍‌ ଖାତାଗୁଡ଼ିକ  ନାଇକ୍‌ଙ୍କ ଏନ୍‌ଜିଓ ସହ ଜଡ଼ିତ ନୁହେଁ। ଏହା ନାଇକ୍‌ଙ୍କ ବ୍ୟକ୍ତିଗତ ବ୍ୟାଙ୍କ୍‌ ଖାତା ହୋଇଥିବା ତଦନ୍ତରୁ ଜଣାପଡ଼ିଛି। ତେଣୁ ଏହି ମାମଲାରେ ଇସ୍‌ଲାମିକ ରସିର୍ଟ ଫାଉଣ୍ଡେସନ ବା ଆଇଆର୍‌ଏଫ୍‌ର ଅନ୍ୟ ଅଧିକାରୀଙ୍କୁ ପଚରାଉଚରା କରାଯାଇ ନାହିଁ।

ତଦନ୍ତକାରୀ ଅଫିସରଙ୍କ କହିବାନୁସାରେ,“ ଆମେ ଇନ୍‌କମ୍ ଟ୍ୟାକ୍ସ  ବିଭାଗକୁ ଏହି କମ୍ପାନୀ ଗୁଡ଼ିକ ବିଷୟରେ ତଥ୍ୟ ମାଗିଛୁ। ଏହି କମ୍ପାନୀ ଗୁଡ଼ିକର ପାଇସା କେଉଁଠାରୁ ଆସୁଛି  ଏନେଇ ତଦନ୍ତ କରୁଛି। ସୂଚନା ମିଳିବା ପରେ  ଜାକିର୍‌ଙ୍କ ପରିବାର ଲୋକଙ୍କୁ ପଚରା ଉଚରା କରାଯିବ।”