କଟକ: କଏଦୀ ଫେରାର ଘଟଣାରେ ୩ ପୋଲିସ କର୍ମଚାରୀ ନିଲମ୍ବିତ

କଟକ: କଟକ ବଡ଼ ମେଡିକାଲ ପରିସରରୁ ବିଚାରାଧୀନ କଏଦୀ ଫେରାର୍ ଘଟଣାରେ ୩ ପୋଲିସ କର୍ମଚାରୀଙ୍କୁ ନିଲମ୍ୱିତ କରାଯାଇଛି ।  ଏମାନଙ୍କ ମଧ୍ୟରେ ଜଣେ ହାବିଲଦାର ଓ ୨ ଜଣ କନଷ୍ଟେବଳ ଅଛନ୍ତି । ଚୌଦ୍ୱାର ଜେଲର ବିରାଚାଧୀନ କଏଦୀ ପ୍ରିତମ ଘୋଷଙ୍କ ସ୍ୱାସ୍ଥ୍ୟ ଯାଞ୍ଚ ପାଇଁ ଆଜି କଟକ ବଡ଼ ମେଡିକାଲକୁ ଅଣାଯାଇଥିଲା । ତେବେ ସେଠାରୁ ସେ ଫେରାର ହୋଇଯାଇଥିଲେ । ୨ ମାସ ତଳେ ଏକ ଡକାୟତି ମାମଲାରେ କଟକ ମର୍କତ ନଗର ପୋଲିସ ପ୍ରିତମଙ୍କୁ ଗିରଫ କରିଥିଲା । ଫେରାର କଏଦୀକୁ ଧରିବା ପାଇଁ ପୋଲିସ ତନାଘନା ଜାରି ରଖିଛି ।