ଜି.ଏମ୍ କଲେଜକୁ ’ନାକ୍’ର ଏ ଗ୍ରେଡ୍; ଏକକ ବିଶ୍ୱବିଦ୍ୟାଳୟ ମାନ୍ୟତା ପାଇଁ ସୁପାରିଶ

ସମ୍ୱଲପୁର: ସମ୍ୱଲପୁରର ଗଙ୍ଗାଧର ମେହେର ସ୍ୱୟଂଶାସିତ କଲେଜକୁ ’ନାକ୍’ ଏ ଗ୍ରେଡ୍ ମାନ୍ୟତା ଦେଇଛି। ଏହାକୁ ନେଇ ଛାତ୍ରଛାତ୍ରୀ,ଅଧ୍ୟାପକ ଓ କର୍ମଚାରୀମାନଙ୍କ ମଧ୍ୟରେ ଆନନ୍ଦ ଖେଳିଯାଇଛି। ଜି.ଏମ୍ କଲେଜକୁ ଏକକ ବିଶ୍ୱ ବିଦ୍ୟାଳୟର ମାନ୍ୟତା ଦେବା ପାଇଁ ମଧ୍ୟ ନାକ ସୁପାରିଶ କରିଛି କଲେଜର ଉପାଧ୍ୟକ୍ଷ କାମଦେବ ସାହୁ କହିଛନ୍ତି।

ଏ ଗ୍ରେଡ ପାଇବା ପରେ କଲେଜର ବିକାଶ ପାଇଁ ବିଭିନ୍ନ କେନ୍ଦ୍ରୀୟ ଅନୁଦାନ ମିଳିବ ଓ କଲେଜର ବିକାଶରେ ଅର୍ଥ ବାଧକ ହେବ ନାହିଁ ବୋଲି କଲେଜ କର୍ତ୍ତୃପକ୍ଷ କହିଛନ୍ତି।  ବର୍ଷକୁ ପ୍ରାୟ ୩ କୋଟିରୁ ଅଧିକ ଆର୍ଥିକ ଅନୁଦାନ ମିଳିବ।

ଏହା ପୂର୍ବରୁ ଗତ ୨୦୦୫ ମସିହାରେ ’ନାକ୍’ ଟିମ୍ କଲେଜ ପରିଦର୍ଶନରେ ଆସିଥିଲେ। ସେତେବେଳେ କଲେଜକୁ ’ବି ଗ୍ରେଡ୍’ ଦିଆଯାଇଥିଲା।