ଯାଜପୁର ଉପ-କାରାଗାରରେ ନିଆରା ବିବାହ

ଯାଜପୁର: ଯାଜପୁର ଟାଉନରେ ଥିବା ଉପ-କାରାଗାରରେ ଶୁକ୍ରବାର ଏକ ନିଆରା ବିବାହ ଅନୁଷ୍ଠିତ ହୋଇଛି। ଜିଲ୍ଲା ଉପ-କାରଗାର କତ୍ତୃପକ୍ଷ, ପୋଲିସ, ଉଭୟ ପକ୍ଷର ଓକିଲ, ସାମାଜିକ କର୍ମୀଙ୍କ ଉପସ୍ଥିତରେ ହୋଇଛି ଏହି ବିବାହ।  ୨୦୧୩ ମସିହା ବଳାତ୍କାରର ଶିକାର ହୋଇଥିବା ଜଣେ ୧୭ ବର୍ଷୀୟ ନାବାଳିକାକୁ ବୈଦିକ ରୀତିରେ ବିବାହ କରିଛି ସମ୍ପୃକ୍ତ ଅଭିଯୁକ୍ତ । ଅଭିଯୁକ୍ତଙ୍କ ନାମ ବିପିନ ବିହାରୀ ଖଟୁଆ(୨୮)। ଅଭିଯୁକ୍ତଙ୍କ ଘର ଜେନାପୁର ଥାନା ଅନ୍ତର୍ଗତ ନୂଆକଳନ୍ଦା ଗାଁରେ। ଅଭିଯୁକ୍ତ ଓ ପିଡିତା ବିବାହ ପାଇଁ ରାଜି ହେବାପରେ ଆଜି ଏହି ବିବାହ କରାଯାଇଥିଲା।  ଯାଜପୁର ଜିଲ୍ଲା କାରାଗାରର ନିରୀକ୍ଷକ ବୈଲାଚନ ଦାଶଙ୍କ କହିବା କଥାଯେ, ବିବାହ ପାଇଁ ଯାଜପୁର ଜିଲ୍ଲା ଜଜ କାରାଗାର କତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଥିଲେ। ଏହାପରେ କାରାଗାର କତ୍ତୃପକ୍ଷଙ୍କ ପକ୍ଷରୁ ବିବାହର ଆୟୋଜନ କରାଯାଇଥିଲା।