ପିପିଲିରେ ସାପ : ୧୫ ନାଗ ଛୁଆ ଉଦ୍ଧାର

ପିପିଲି(ଦ୍ୱୀତିକୃଷ୍ଣ ପଟ୍ଟନାୟକ): ପୁରୀ ଜିଲ୍ଲା ସତ୍ୟବାଦୀ ବ୍ଲକ୍‌ ବୁଢ଼ାକେରା ଗାଁର ସୁରେନ୍ଦ୍ର ସେଠିଙ୍କ ଘରୁ ୧୫ଟି ନାଗ ସାପ ଛୁଆ ଓ ୧୨ଟି ଅଣ୍ଡା ଉଦ୍ଧାର କରାଯାଇଛି। ସ୍ନେକ୍ ହେଲପ୍‌ ଲାଇନ୍‌ ସଦସ୍ୟ ରାମଚନ୍ଦ୍ର ମହାପାତ୍ର ଏହି ସାପ ଗୁଡ଼ିକୁ ଧରି ସ୍ଥାନୀୟ ଜଙ୍ଗଲରେ ଛାଡ଼ି ଦେଇଛନ୍ତି।

ତେବେ ସୁରେନ୍ଦ୍ରଙ୍କ ଘରୁ ଏତେ ସାପ ବାହାରିବା ପରେ ଗାଁ ଲୋକେ ଭୟଭୀତ ହୋଇପଡ଼ିଛନ୍ତି।

ସୂଚନାଯୋଗ୍ୟ, ଗତକାଲି ମୟୂରଭଞ୍ଜ ଜିଲ୍ଲା ଉଦଳା ଥାନା ଅନ୍ତର୍ଗତ ରାଢ଼ୋ ଗାଁର  କୃପାସିନ୍ଧୁ  ରାଉତଙ୍କ ଦୋକାନରୁ ୧୧ଟି ନାଗସାପ ଛୁଆ ଉଦ୍ଧାର କରାଯାଇଥିଲା। ସେ ଦୋକାନ ଘର କାମ କରୁଥିବା ବେଳେ ଏକ ଗାତରେ ସାପଗୁଡ଼ିକୁ ଦେଖିବାକୁ ପାଇଥିଲେ। ଏହା ପରେ ସେ ସ୍ଥାନୀୟ ସ୍ନେକ୍ ଲାଇଫ୍ ଲାଇନ୍ ସଦସ୍ୟଙ୍କୁ ଖବର ଦେଇଥିଲେ। ସ୍ନେକ୍ ଲାଇଫ୍ ଲାଇନ୍‌ର ସଦସ୍ୟମାନେ ଆସିବା ପରେ ସାପଗୁଡ଼ିକୁ ଗାତରୁ ବାହାର କରାଯାଇଥିଲା।

ଅଧିକ ପଢ଼ନ୍ତୁ-ଦୋକାନ ଭିତରେ ୧୧ ନାଗ ସାପ ଛୁଆ