ରାଉରକେଲା: ଦୁର୍ଦ୍ଦାନ୍ତ କ୍ୟାଡର୍ ମାଓବାଦୀ ଭୀମା ଓରଫ୍ କୃଷ୍ଣ ଲୋହା ଓ ତାର ସହଯୋଗୀ ଫୁଲ ମୁଣ୍ଡା ସହ ଆଜି ରାଉରକେଲା ଏସ୍ପିଙ୍କ ନିକଟରେ ଆତ୍ମସମର୍ପଣ କରିଛି। ଭୀମାକୁ ଧରାଇଦେବା ପାଇଁ ରାଜ୍ୟ ସରକାର ୫ ଲକ୍ଷ ଓ ଫୁଲ ମୁଣ୍ଡାକୁ ଧରାଇଦେବା ପାଇଁ ଏକ ଲକ୍ଷ ଟଙ୍କା ପୁରସ୍କାର ରାଶି ଘୋଷଣା କରିଥିଲେ।
ଭୀମା ଝାଡ଼ଖଣ୍ଡ ସମେତ ସୁନ୍ଦରଗଡ଼, ଦେବଗଡ଼, ବୌଦ୍ଧ, କନ୍ଧମାଳ ଆଦି ଜିଲ୍ଲାରେ ବିଭିନ୍ନ ସମୟରେ ହୋଇଥିବା ପୋଲିସ-ମାଓବାଦୀ ଗୁଳି ବିନିମୟରେ ସଂପୃକ୍ତ ଥିଲା। କ୍ୟାଡର ମାଓବାଦୀ ସୁଷମାକୁ ସେ ବିବାହ କରିଥିଲା।
ସୁଷମା ପୂର୍ବରୁ ପୋଲିସ ନିକଟରେ ଆତ୍ମସମର୍ପଣ କରିସାରିଛନ୍ତି। ମାଓନେତା ଗଣପତି ସହ ମଧ୍ୟ ଭୀମାର ସମ୍ପର୍କ ଥିବା କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।