ଫୁଲବାଣୀ (ଓଡ଼ିଶା ରିପୋର୍ଟର): କନ୍ଧମାଳ ଜିଲ୍ଲା ଫିରିଙ୍ଗିଆ ବନାଞ୍ଚଳର ସଂରକ୍ଷିତ ଜଙ୍ଗଲରେ ନିଆଁ ଲଗାଇବା ଅଭିଯୋଗରେ ଦୁଇ ଜଣଙ୍କୁ ଗିରଫ କରିଛନ୍ତି ବନ ବିଭାଗର କର୍ମଚାରୀ। ଅଭିଯୁକ୍ତମାନେ ହେଲେ ଗୁଜର ଦିଗାଲ ଏବଂ ରେଂଟୁ କହଁର। ସେମାନଙ୍କୁ କୋର୍ଟଚାଲାଣ କରାଯାଇଛି।
ସୂଚନା ଅନୁସାରେ, ଗତକାଲି ନୂଆପଦର ସେକ୍ସନର ବନ କର୍ମଚାରୀମାନେ ସାଡ଼ିଙ୍ଗିଆ ସଂରକ୍ଷିତ ଜଙ୍ଗଲରେ ପେଟ୍ରୋଲିଂ କରୁଥିଲେ। ଏହି ସମୟରେ ସେମାନେ ଗୁଜର ଜଙ୍ଗଲରେ ନିଆଁ ଲଗାଉଥିବା ଦେଖି ତାଙ୍କୁ ଗିରଫ କରିଥିଲେ।
ସେହିପରି ଗୁଚ୍ଛାପଡ଼ା ସଂରକ୍ଷିତ ଜଙ୍ଗଲରେ ରେଂଟୁ ଛଅଟି ପଏଣ୍ଟରେ ନିଆଁ ଲଗାଇବା ଅଭିଯୋଗରେ ବନ ବିଭାଗ କର୍ମଚାରୀ ତାଙ୍କୁ ଗିରଫ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
