ଭୁବନେଶ୍ୱର(ଓଡ଼ିଶା ରିପୋର୍ଟର): ବିଜ୍ଞାନର ପ୍ରଚାର ଓ ପ୍ରସାର ପାଇଁ ଓଡ଼ିଶାରେ ପ୍ରତିଷ୍ଠା ହେବ ୪ଟି ପ୍ଲାନେଟୋରିୟମ୍ । ଗୋପାଳପୁର, ରାୟଗଡ଼ା, କେନ୍ଦୁଝର ଓ ବାରିପଦାରେ ପ୍ରତିଷ୍ଠା ହେବ ଏହି ପ୍ଲାନେଟୋରିୟମ। ଆଜି ବିଧାନସଭାରେ ଏଭଳି ସୂଚନା ଦେଇଛନ୍ତି ବିଜ୍ଞାନ ଓ କାରିଗରୀ ମନ୍ତ୍ରୀ ଅଶୋକ ପଣ୍ଡା।
ସେ କହିଛନ୍ତି ଯେ, ଓଡ଼ିଶାରେ ୨ଟି ପ୍ଲାନେଟୋରିୟମ୍ କାର୍ଯ୍ୟକ୍ଷମ ଅଛି। ଆଉ ୪ଟି ପ୍ଲାନେଟୋରିୟମ୍ ପ୍ରତିଷ୍ଠା ହେବ। ସେଥିପାଇଁ ୩୦ କୋଟି ଟଙ୍କା ଖର୍ଚ୍ଚ ହେବ। ଗୋପାଳପୁର ପାଇଁ ୯ କୋଟି ଟଙ୍କା ଏବଂ ଅନ୍ୟ ୩ଟି ପ୍ଲାନେଟୋରିୟମ ପାଇଁ ୭ କୋଟି ଲେଖାଏ ଟଙ୍କା ଖର୍ଚ୍ଚ କରାଯିବ।
ସେହିପରି ମନ୍ତ୍ରୀ କହିଛନ୍ତି, ବିଜ୍ଞାନ ପ୍ରତି ପିଲାଙ୍କୁ ଆକର୍ଷିତ କରିବାକୁ ସବୁ ଜିଲ୍ଲାରେ ସାଇନସ୍ ସେଣ୍ଟର ପ୍ରତିଷ୍ଠା କରାଯିବ। ପ୍ରାଥମିକ ପର୍ଯ୍ୟାୟରେ ୧୦ଟି ସେଣ୍ଟର ପ୍ରତିଷ୍ଠା ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
