୨୦ ଫୁଟର ପାଚେରି ଡେଇଁ ଚମ୍ପଟ ମାରିଲେ ୬ ନାବାଳକ

ବ୍ରହ୍ମପୁର(ଜଗନ୍ନାଥ ସାହୁ): ଗଞ୍ଜାମ ଜିଲ୍ଲା ବ୍ରହ୍ମପୁର ବାଳ ସୁଧାର ଗୃହରୁ ୬ ନାବାଳକ ଚମ୍ପଟ ମାରିଛନ୍ତି। ସୁଧାର ଗୃହର ଝରକା ରେଲିଂ ତାଡ଼ି ଭୋର ୪ଟାରୁ ସେମାନେ ଚମ୍ପଟ ମାରିଥିବା ଜଣାଯାଇଛି। ଏନେଇ ବୈଦ୍ୟନାଥପୁର ଥାନାରେ ଅଭିଯୋଗ ହୋଇଛି। ପୁଲିସ ଚମ୍ପଟ ମାରିଥିବା ନାବାଳକମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଖୋଜୁଛି।

ଘଟଣା ପରେ ଶିଶୁ ସୁରକ୍ଷା ଅଧିକାରୀ ଓ ଉପଜିଲ୍ଲାପାଳ ବ୍ରହ୍ମପୁର ବାଳ ସୁଧାର ଗୃହରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ବ୍ରହ୍ମପୁର ବାଳ ସୁଧାର ଗୃହରେ ୫ଟି ଗୃହ ଥିଲା। ଏହି ଗୃହରେ ୧୧୬ ଜଣ ଅନ୍ତେବାସୀ ରହୁଥିଲେ।

ବ୍ରହ୍ମପୁର ବାଳ ସୁଧାର ଗୃହରେ ୨୦ଫୁଟ ଉଚ୍ଚର ପାଚେରି ରହିଛି। କିପରି ଅନ୍ତେବାସୀ ମାନେ ଚମ୍ପଟ ମାରିଲେ ସେଇ ନେଇ ସାଧାରଣରେ ପ୍ରଶ୍ନ ସୃଷ୍ଟି ହୋଇଛି। ଏହା ପଛରେ ଆଉ କାହାର ଅଛି କି ନାହିଁ, ପୁଲିସ ଘଟଣାର ତଦନ୍ତ କରୁଛି।

ସୂଚନାଯୋଗ୍ୟ, ୨୦୧୪-୧୫ରେ ବ୍ରହ୍ମପୁର ବାଳ ସୁଧାର ଗୃହରୁ ୩୦ରୁ ଅଧିକ ନାବାଳକ ଚମ୍ପଟ ମାରିଥିଲେ। ଏପର୍ଯ୍ୟନ୍ତ ସେମାନଙ୍କ ପତ୍ତା ମିଳିନାହିଁ।

 

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।