ବାଳାଶ୍ରମରୁ ଖସି ପଳାଇଥିବା ବାଳକ ଉଦ୍ଧାର 

ବାଲେଶ୍ୱର(ରଣଜିତ୍‌ ପାକଳ): ବାଲେଶ୍ୱର ଜିଲ୍ଲା ସହଦେବଖୁଣ୍ଟା ଅଞ୍ଚଳରେ ଥିବା ଉତ୍କଳ ବାଳାଶ୍ରମରୁ ଖସି ପଳାଇଥିବା ଜଣେ ୮ ବର୍ଷର ବାଳକକୁ ଉଦ୍ଧାର କରାଯାଇଛି। ତା‘ ନାଁ  ସୁକୁମାର ସରକାର। ସୁକୁମାରକୁ ବସ୍‌ଷ୍ଟାଣ୍ଡରୁ ଉଦ୍ଧାର କରାଯାଇଛି।

ସୁକୁମାରକୁ ଉଦ୍ଧାର କରାଯିବା ପରେ ବାଳାଶ୍ରମର ସୁପରିଟେଣ୍ଡଣ୍ଟ ଓ କର୍ମଚାରୀମାନେ ତାକୁ ନେବାକୁ ଆସିଥିଲେ। ହେଲେ ସେ ତାଙ୍କ ସହ  ଯିବା ପାଇଁ  ରାଜି ନହେବାରୁ ଉଦ୍ଧାର କରିଥିବା  ଲୋକେ ତାକୁ ସହଦେବଖୁଣ୍ଟା ପୁଲିସ୍‌କୁ ହସ୍ତାନ୍ତର କରିଥିଲେ।

ଦୁଇଦିନ ତଳେ ବଳାଶ୍ରମର କର୍ମଚାରୀ ମାଡ଼ ମାରିଥିଲେ ବୋଲି ସୁକୁମାର ଅଭିଯୋଗ କରିଛି। ତେବେ ସୁକୁମାରକୁ ମାଡ଼ ମରାଯିବା କଥାକୁ ସୁପରିଟେଣ୍ଡଣ୍ଟ୍‌ ଅସ୍ୱୀକାର କରିଛନ୍ତି।

ଗତ ମେ’ ୨୫ ତାରିଖରେ ଖଇରା ଚାଇଲଡ୍‌ ଲାଇନ୍‌ ତାକୁ ଅଡ଼ା ଅଞ୍ଚଳରୁ ଉଦ୍ଧାର କରି  ଉତ୍କଳ ବାଳାଶ୍ରମରେ ଛାଡ଼ିଥିଲା।

This website uses cookies to improve your experience. We'll assume you're ok with this, but you can opt-out if you wish. AcceptRead More