ଛଅ ବର୍ଷର ଝିଅକୁ ଗାଁ ମୁଖିଆ ଦୁଷ୍କର୍ମ କରିଥିବା ଅଭିଯୋଗ

ଆସିକା (ମନୋଜ ମୁନି): ଗଞ୍ଜାମ ଜିଲ୍ଲା ପାଟପୁର ଅଞ୍ଚଳରେ ଏକ ଛଅ ବର୍ଷର ଝିଅକୁ ଗାଁ ମୁଖିଆ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଝିଅର ମା’ ଗତକାଲି ଏନେଇ ଥାନାରେ ଅଭିଯୋଗ କରିଛନ୍ତି। ପୁଲିସ୍‌ ଗାଁ ମୁଖିଆ ମୃତ୍ୟୁଞ୍ଜୟ ଦାସଙ୍କୁ ଅଟକ ରଖି ପଚରାଉଚରା କରୁଛି।

ଉକ୍ତ ମହିଳା ଜଣଙ୍କ ଅଭିଯୋଗ କରିଛନ୍ତି ଯେ ତାଙ୍କ ଝିଅକୁ ଗାଁ ମୁଖିଆ ଗତ ମଙ୍ଗଳବାର ଦୁଷ୍କର୍ମ କରିଥିଲେ। ଏନେଇ ସେ ଥାନାକୁ ଅଭିଯୋଗ କରିବାକୁ ଯିବାରୁ ଗାଁ ମୁଖିଆ ଲୋକ ପଠାଇ ଏପରି ନ କରିବାକୁ କହିଥିଲେ।

ଝିଅଟିର ମା’ କହିଛନ୍ତି ଯେ ତାଙ୍କୁ ଓ ତାଙ୍କ ଝିଅକୁ ନ୍ୟାୟ ଦରକାର। ଗାଁ ମୁଖିଆଙ୍କ ଉପରେ କୋଠର କାର୍ଯ୍ୟାନୁଷ୍ଠାନ ନେବାକୁ ସେ ଦାବି କରିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।