ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ପ୍ରତ୍ୟେକ ଦିନ ମିଛ କହୁଛନ୍ତି। ସେ ଦେଶବାସୀଙ୍କ ସମ୍ମୁଖରେ ଅଭିନୟ କରୁଛନ୍ତି। ପ୍ରକୃତରେ ଆମ ଦେଶ ସମ୍ୱିଧାନ ଦ୍ୱାରା ହିଁ ପରିଚାଳିତ ହେବ। କୌଣସି ବାଇବେଲ୍‌, କୋରାନ, ଗୀତା କି ବେଦ ଦ୍ୱାରା ଦେଶ ପରିଚାଳିତ ହୋଇପାରିବ ନାହିଁ। ଏପରି ବୟାନ ଦେଇଛନ୍ତି ଫିଲ୍ମ ଅଭିନେତା ପ୍ରକାଶ ରାଜ।</p> <p>ଆଜି ଓଡ଼ିଶା ଜନ ଚେତନା ମଞ୍ଚ ତରଫରୁ ଭୁବନେଶ୍ୱର ଉତ୍କଳ ମଣ୍ଡପଠାରେ ‘ସମ୍ୱିଧାନ ବଞ୍ଚାଅ, ଦେଶ ବଞ୍ଚାଅ’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଏଥିରେ ଯୋଗଦେଇଥିଲେ ବଲିଉଡ୍‌ର ଓ ଟଲିଉଡ୍‌ର ପ୍ରତିଷ୍ଠିତ ଅଭିନେତା ପ୍ରକାଶ ରାଜ। ଜନଚେତନା ମଞ୍ଚକୁ ନିମନ୍ତ୍ରଣ କରାଯାଇଥିବାରୁ ସେ ପ୍ରଥମେ ଓଡ଼ିଶା ବାସୀଙ୍କୁ ଧନ୍ୟବାଦ ଜଣାଇଥିଲେ।</p> <p>ସେ କହିଛନ୍ତି-“ଜଣେ ନାଗରିକ ଭାବେ ମୁଁ ଏଠାକୁ ଆସିଛି, ଅଭିନେତା ଭାବେ ନୁହେଁ। ଆଜିର ଦିନରେ ବାବ୍ରୀ ମସ୍‌ଜିଦ୍‌ ଭଙ୍ଗା ଯାଇଥିଲା। ସମ୍ୱିଧାନର ରୂପକାର ଡକ୍ଟର ବାବା ସାହେବ ଆମ୍ୱେଦକରଙ୍କ ତିରୋଧାନ ଦିବସରେ ୧୯୯୨ ମସିହା ଡିସେମ୍ୱର ୬ ତାରିଖରେ ଏହି କଳା ଅଧ୍ୟାୟ ସୃଷ୍ଟି ହୋଇଥିଲା। ସାମ୍ପ୍ରଦାୟିକ ଶକ୍ତିମାନେ ସମ୍ୱିଧାନକୁ ଅବମାନନା କରିଥିଲେ।”</p> <p>(image) ସେ ଆହୁରି କହିଛନ୍ତି-“ଗଣତନ୍ତ୍ରରେ ଜନସାଧାରଣ ହେଉଛନ୍ତି ସର୍ବୋଚ୍ଚ କ୍ଷମତାର ଆଧାର। ତେଣୁ ଜନଗଣ ହିଁ ଦେଶକୁ ଶାସନ କରିବେ। ଆମେ କେଉଁ ଧର୍ମ, ଜାତି ଓ ଭାଷାକୁ ବିଚାର ନକରି ଜଣେ ନାଗରିକ ଭାବେ ଦେଶ ପାଇଁ କାମ କରିବା ଦରକାର। ଯେଉଁମାନେ ଆତଙ୍କ ସୃଷ୍ଟି କରୁଛନ୍ତି ଓ ଲୋକଙ୍କର ଭାବନାକୁ ନେଇ ଖେଳୁଛନ୍ତି ସେମାନଙ୍କୁ ପ୍ରତ୍ୟାଖ୍ୟାନ କରାଯାଉ। ଧର୍ମ ଶାନ୍ତି ଦେଇପାରେ। ମାତ୍ର ଶିକ୍ଷା ରୋଜଗାର, ଖାଦ୍ୟ ଓ ଆଶ୍ରୟ ଦେଇପାରିବ ନାହିଁ। ତେଣୁ ଧର୍ମକୁ ନେଇ ରାଜନୀତି କରାନଯାଉ। ଏହା ଏକ ବ୍ୟକ୍ତିଗତ ବିଶ୍ୱାସ।”</p> <p>(image) ସେ କହିଛନ୍ତି-“କେରଳରେ ବନ୍ୟା ଓ ବିପର୍ଯ୍ୟୟରେ ଲୋକେ ଏକାଠି ହେଉଥିବା ବେଳେ ବିଜେପି ସାବରୀମାଳା ପ୍ରସଙ୍ଗରେ ଲୋକଙ୍କୁ ବିଭାଜନ କରୁଛି। ଖାଦ୍ୟ ବାସଗୃହ, ଚିକିତ୍ସା, ରୋଜଗାର ଓ କୃଷକର କଲ୍ୟାଣ ପାଇଁ ଆମେ ଲୋକଙ୍କୁ ଏକାଠି କରିବାକୁ ହେବ। ଦେଶବାସୀ ଅନ୍ୟାୟ ଓ ଅବିଚାର ବିରୋଧରେ ପ୍ରଶ୍ନ କରନ୍ତୁ। ମିଥ୍ୟା ଓ ମିଥ୍ୟାବାଦୀମାନଙ୍କୁ ପ୍ରତ୍ୟାଖ୍ୟାନ କରନ୍ତୁ।”</p> <p>ପ୍ରଫେସର ସ୍ୱାଧୀନାନନ୍ଦ ପଟ୍ଟନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି ସଭାରେ ବରିଷ୍ଠ ବାମପନ୍ଥୀ ନେତା ଜନାର୍ଦ୍ଦନ ପତି, ପ୍ରଦେଶ କଂଗ୍ରେସ ସଭାପତି ନିରଞ୍ଜନ ପଟ୍ଟନାୟକ, ସିପିଆଇ(ଏମ୍‌) ରାଜ୍ୟ ସମ୍ପାଦକ ଅଳି କିଶୋର ପଟ୍ଟନାୟକ ପ୍ରମୁଖ ଯୋଗଦେଇଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
