ଆଡମିଶନ୍ ପାଇଁ ଆଗ୍ରହ ପ୍ରକାଶ କଲେନି ଛାତ୍ରଛାତ୍ରୀ, ବନ୍ଦହେଲା ଘରୋଇ ଇଞ୍ଜିନିୟରିଂ କଲେଜ

ଭୁବନେଶ୍ୱର: ଛାତ୍ରଛାତ୍ରୀ ଆଡ୍ ମିଶନ ଲାଗି ଆଗ୍ରହ ପ୍ରକାଶ ନକରିବାରୁ ବନ୍ଦ ହେଲା ରାଜ୍ୟର ଏକ ଘରୋଇ ଇଂଜିନିୟରିଂ କଲେଜ। କଲେଜ ବନ୍ଦ ଲାଗି କର୍ତ୍ତୃପକ୍ଷଙ୍କ ଆବେଦନକୁ ରାଜ୍ୟ ବୈଷୟିକ ଶିକ୍ଷା ଓ ତାଲିମ ବିଭାଗ ଗ୍ରହଣ କରିବା ସହ ଏଆଇସିଟିକୁ ଅବଗତ କରାଇଛି। କେବଳ ଏହି କଲେଜ ନୁହେଁ । ଅନ୍ୟ ୨୧ଟି ଘରୋଇ ଇଞ୍ଜିନିୟରିଂ କଲେଜ ମଧ୍ୟ ସମାନ ସମସ୍ୟାର ସମ୍ମୁଖୀନ ହୋଇଛନ୍ତି । ଛାତ୍ରଛାତ୍ରୀ ଅଭାବରୁ ଏମାନେ ନିଜ ନିଜର ବିଭିନ୍ନ ଟ୍ରେଡ୍ ବନ୍ଦ କରିବା କିମ୍ୱା ସିଟ୍ ସଂଖ୍ୟା ହ୍ରାସ ଲାଗି ବୈଷୟିକ ଶିକ୍ଷା ଓ ତାଲିମ ବିଭାଗ ନିକଟରେ ଆବେଦନ କରିଛନ୍ତି । ଏହି ଆବେଦନ ସଂପର୍କରେ ଏଆଇସିଟିଇକୁ ମଧ୍ୟ ଜଣାଇ ଦିଆଯାଇଛି। ଫଳରେ ଚଳିତବର୍ଷ  ବି-ଟେକ ରେ ମୋଟ ୧୧୭୦, ଏମଟେକ୍ ରେ ୭୨ ଏବଂ ଏମବିଏ ଏବଂ ଏମସିଏରେ ପ୍ରାୟ ୨୫୦ଟି ସିଟ୍ ରେ ଆଡମିଶନ ହେବ ନାହିଁ ।