ଆଇନଜୀବୀ ହେମନ୍ତ ସାହୁଙ୍କ ହତ୍ୟା ଘଟଣା: ରାଜ୍ୟବ୍ୟାପୀ ଓକିଲଙ୍କ କାର୍ଯ୍ୟବନ୍ଦ

କଟକ: ଆଇନଜୀବୀ ହେମନ୍ତ ସାହୁଙ୍କୁ ହତ୍ୟା ଘଟଣା ପ୍ରତିବାଦରେ ଆଜି ରାଜ୍ୟବ୍ୟାପୀ ଓକିଲଙ୍କ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତି। ଆଇନଜୀବୀମାନେ କୋର୍ଟ କାର୍ଯ୍ୟ ବର୍ଜନ କରି ଧାରଣା ଦେଇଥିଲେ। ଏ ନେଇ ଗତକାଲି ହାଇକୋର୍ଟ ବାର ଆସୋସିଏସନରେ ନିଷ୍ପତ୍ତି ହୋଇଥିଲା। ଏପରି କି ଗତକାଲି ଅପରାହ୍ନରୁ ହାଇକୋର୍ଟ ବାର ଆସୋସିଏସନ କୋର୍ଟ ବର୍ଜନ କରିଥିଲା। ସେପଟେ ଆନ୍ଦୋଳନକୁ ଭୁବନେଶ୍ୱର ବାର ଆସୋସିଏସନ ମଧ୍ୟ ସମର୍ଥନ କରି କୋର୍ଟ କାର୍ଯ୍ୟରେ ଯୋଗ ଦେଇ ନଥିଲେ।