ଆଜିଠୁ ଜେଇଇ ମେନ୍ ଅନଲାଇନ

ଭୁବନେଶ୍ୱର: ଇଂଜିନିୟରିଂ ପାଠ୍ୟକ୍ରମରେ ନାମଲେଖା ପାଇଁ ଆଜିଠାରୁ ଯୁଗ୍ମ ପ୍ରବେଶିକା ପରୀକ୍ଷା ଜେଇଇ ମେନ୍ ଅନଲଲାଇନରେ ଅନୁଷ୍ଠିତ ହେବ। ସର୍ବଭାରତୀୟ ସ୍ତରରେ ହେବାକୁ ଥିବା ଏହି ପରୀକ୍ଷା ଦୁଇ ଦିନ ଧରି ଚାଲିବ। ଏଥିରେ  ଓଡ଼ିଶାରୁ ୬ ହଜାର ଛାତ୍ରଛାତ୍ରୀ ଅଂଶଗ୍ରହଣ କରିବେ। ପରୀକ୍ଷା ଲାଗି ସାରା ଦେଶରେ ୪୫୩ଟି ପରୀକ୍ଷାକେନ୍ଦ୍ର ହୋଇଥିବା ବେଳେ ଓଡ଼ିଶାରେ ୧୮ଟି ସେଣ୍ଟର ହୋଇଛି। ଭୁବନେଶ୍ୱର, ଅନୁଗୋଳ,ବ୍ରହ୍ମପୁର, କଟକ, ଜୟପୁର, ସମ୍ବଲପୁର ଓ ରାଉରକେଲାରେ ସେଣ୍ଟର ହୋଇଛି। ଭୁବନେଶ୍ୱରରେ ସର୍ବାଧିକ ୯ଟି ପରୀକ୍ଷା କେନ୍ଦ୍ର ହୋଇଥିବା ବେଳେ ବାଲେଶ୍ୱରରେ ୨ଟି ସେଣ୍ଟର ହୋଇଛି। ପ୍ରତିଦିନ ଦୁଇଟି ସିଟିଂରେ ପରୀକ୍ଷା ହେଉଛି। ଏଥର ପରୀକ୍ଷା ସେଣ୍ଟର ଗୁଡିକରେ  କଡ଼ା ସୁରକ୍ଷା ବ୍ୟବସ୍ଥା ସହ  ଜାମର ବ୍ୟବସ୍ଥା କରାଯାଇଛି।