ଲଘୁଚାପ ପ୍ରଭାବ: ୧୦ ଯାଏଁ ଲାଗି ରହିବ ବର୍ଷା

rainଭୁବନେଶ୍ୱର:ଉତ୍ତର-ପଶ୍ଚିମ ବଙ୍ଗୋପସାଗର ଓ ଓଡ଼ିଶା ଉପକୂଳରେ ସୃଷ୍ଟି ହୋଇଥିବା ଲଘୁଚାପ ପ୍ରଭାବରେ ରାଜଧାନୀ ଭୁବନେଶ୍ୱର  ସମେତ ସାରା ରାଜ୍ୟରେ ବର୍ଷା ଜାରି ରହିଛି। ଏହି ବର୍ଷା ୧୦ ତାରିଖ ପର୍ଯ୍ୟନ୍ତ ଲାଗି ରହିବ ବୋଲି ପାଣିପାଗ ବିଭାଗ ପକ୍ଷରୁ  ସୂଚନା ଦିଆଯାଇଛି।

ବର୍ଷା ଯୋଗୁଁ ରାଜ୍ୟର ବିଭିନ୍ନ ନଦୀରେ ଜଳସ୍ତର ମଧ୍ୟ ବଢ଼ିବାରେ ଲାଗିଛି।

ଗତ ୫ ଦିନ ଧରି ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେଉଛି। ବିଗତ ଦୁଇ ଦିନରେ ସମ୍ୱଲପୁରରେ ସର୍ବାଧିକ ୨୪୦ ମିଲିମିଟର ବର୍ଷା ରେକର୍ଡ କରାଯାଇଛି।  ଆଜି ସୋନପୁରରେ ୯୬.୪, ଟିଟିଲାଗଡ଼ରେ ୪୩.୬ ଓ ବଲାଙ୍ଗିରରେ ୪୭.୪ ମିମି ବର୍ଷା ରେକର୍ଡ କରାଯାଇଛି।