ବ୍ରହ୍ମଗିରି: ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକ୍ ଟୁବୁକା ଗାଁର ୪ ବର୍ଷର ରୁଦ୍ର ନାଏକଙ୍କ ମୃତଦେହ ଆମ୍ୱୁଲାନ୍ସ ନେବାକୁ ମନା କରିବା ଘଟଣାରେ ଆମ୍ୱୁଲାନ୍ସ ଡ୍ରାଇଭର ଓ ସଂପୃକ୍ତ କଲ୍ସେଣ୍ଟର କର୍ମଚାରୀଙ୍କୁ ଆଜି ନିଲମ୍ୱିତ କରାଯାଇଛି। ଏନ୍ଏଚ୍ଏମ୍ ନିର୍ଦ୍ଦେଶକଙ୍କ ନିର୍ଦ୍ଦେଶ ଆଧାରରେ ସେମାନଙ୍କୁ ନିଲମ୍ୱିତ କରାଯାଇଛି।
ଟୁବୁକା ଗାଁର ୪ ବର୍ଷର ରୁଦ୍ର ନାଏକଙ୍କୁ ଗୁରୁତର ଅବସ୍ଥାରେ ଛତ୍ରପୁର ଡାକ୍ତରଖାନାକୁ ନିଆଯାଇଥିଲା। ତେବେ ରାସ୍ତାରେ ହିଁ ତାଙ୍କର ମୃତ୍ୟୁ ଘଟିଥିଲା। ଘରକୁ ଫେରାଇ ନେବା ଲାଗି ରୁଦ୍ରଙ୍କ ବାପା ଆମ୍ୱୁଲାନ୍ସ ଡ୍ରାଇଭରଙ୍କୁ ଅନୁରୋଧ କରିଥିଲେ। ମୃତଦେହ ନେବାକୁ ଡ୍ରାଇଭର ମନା କରିଦେବା ସହ ସେମାନଙ୍କୁ ରାସ୍ତାରେ ଛାଡ଼ି ପଳାଇଥିବା ଅଭିଯୋଗ ହୋଇଥିଲା।
ଶିଶୁର ବାପା ମୃତଦେହକୁ ଧରି ଚାଲି ଚାଲି ଗାଁକୁ ଫେରିବା ପରେ ଉତ୍ତେଜନା ଦେଖାଦେଇଥିଲା। ଗତକାଲି ଉତ୍ତ୍ୟକ୍ତ ଲୋକେ କୃଷ୍ଣପ୍ରସାଦ ବ୍ଲକ୍ ଚାରିଛକରେ ରାସ୍ତା ଅବରୋଧ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
