ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରରେ ଜାରି ରହିଛି ଅଙ୍ଗନଓ୍ୱାଡ଼ି କର୍ମଚାରୀଙ୍କ ଧାରଣା। ଲୋୟର ପିଏମଜିରେ ଅଲ୍ ଓଡିଶା ଅଙ୍ଗନବାଡି ଲେଡିଜ ୱାର୍କର୍ସ ଆସୋସିସେନ ପକ୍ଷରୁ ୧୦ ଦିନ ଧରି ଧାରଣା ଦିଆଯାଇଛି। ଅଙ୍ଗନବାଡି କର୍ମଚାରୀଙ୍କୁ ସରକାରୀ କର୍ମଚାରୀ ମାନ୍ୟତା ଓ ସର୍ବନିମ୍ନ ମାସିକ ୧୮ହଜାର ଟଙ୍କା ପ୍ରଦାନ ଆଦି ଦାବିରେ ଏହି ଧାରଣା ଚାଲିଛି।
ଗତ ମେ ୧୬ରେ ଅଙ୍ଗନବାଡ଼ି କର୍ମଚାରୀ ଓ ସହାୟିକମାନେ ବିଭିନ୍ନ ଦାବି ନେଇ ମହିଳା ଓ ଶିଶୁ ବିଭାଗର ମନ୍ତ୍ରୀ ଏବଂ ମୁଖ୍ୟ ଶାସନ ସଚିବଙ୍କୁ ଭେଟିଥିଲେ। ମାତ୍ର ଏଯାଏଁ କୌଣସି ସୁଫଳ ମିଳିନଥିବା ଅଭିଯୋଗ ହୋଇଛି। ଆଜି ପିଏମ୍ଜିରେ ଚାଲିଥିବା ଆନ୍ଦୋଳନରେ ବିଭିନ୍ନ ଜିଲ୍ଲାରୁ ୧୦,୦୦୦ ରୁ ଊର୍ଦ୍ଧ୍ୱ ଅଙ୍ଗନବାଡି କର୍ମୀ ସାମିଲ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।