ଆରବରେ ଫସିଥିବା ଦୁଇ ଓଡ଼ିଆ ଯୁବକଙ୍କ ମୁକ୍ତି ଲାଗି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଉଦ୍ୟମ

ଭୁବନେଶ୍ୱର: ଆରବରେ ଫସିଥିବା ଦୁଇ ଓଡ଼ିଆ ଯୁବକଙ୍କ ମୁକ୍ତି ଲାଗି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା ଉଦ୍ୟମ ଆରମ୍ଭ କରିଛନ୍ତି।  ଏ ନେଇ ସେଠାରେ ଥିବା ଭାରତୀୟ ଦୂତାବାସକୁ ସେ ଚିଠି ଲେଖିଛନ୍ତି। ଯାଜପୁର ବାଲିଚନ୍ଦ୍ରପୁରର ପବିତ୍ର ଜେନା ଓ କେନ୍ଦ୍ରାପଡ଼ର ଭଞ୍ଜକିଶୋର ସାହୁ, କେ.ଆର୍. ଶର୍ମା ନାମକ ଠିକା ସଂସ୍ଥା ଜରିଆରେ କାମ କରିବାକୁ ଆରବ ଯାଇଥିଲେ। ସର୍ତ୍ତ ଅନୁସାରେ ଭିସା ଅବଧି ସରିବା ପରେ ଠିକା ସଂସ୍ଥା ସେମାନଙ୍କୁ ଭାରତ ଫେରାଇ ଆଣିବା କଥା। ତେବେ ସେମାନଙ୍କ ଭିସା ଅବଧି ସରିବାର ୬ ମାସ ବିତି ଯାଇଥିଲେ ମଧ୍ୟ କୌଣସି କାରଣ ନ ଥାଇ ଉଭୟଙ୍କୁ ସେଠାରେ ଅଟକାଇ ରଖାଯାଇଥିବା ପବିତ୍ରଙ୍କ ବାପା, ବୈଜୟନ୍ତଙ୍କ ଦୃଷ୍ଟି ଆକର୍ଷଣ କରିଥିଲେ।