ଆସନ୍ତାକାଲି ବାଲେଶ୍ୱର ଆସିବେ ମୋଦି

ଭୁବନେଶ୍ୱର: ବିଜେପିର ବିକାଶ ଉତ୍ସବ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତାକାଲି ବାଲେଶ୍ୱର ଆସୁଛନ୍ତି। ଏଥିପାଇଁ ପ୍ରସ୍ତୁତି ଚୂଡାନ୍ତ ହୋଇଛି। ମୋଦିଙ୍କ ଗସ୍ତକୁ ସଫଳ କରିବା ପାଇଁ ବିଜେପି ପୁରା ଦମ୍‌ ଲଗାଇ ଦେଇଥିବା ବେଳେ ବ୍ଲ୍ୟୁ-ବୁକ୍‌ ଅନୁଯାୟୀ ସୁରକ୍ଷାର ସମସ୍ତ ବନ୍ଦୋବସ୍ତ କରାଯାଇଛି। ଆଜି ପୋଲିସ ଡିଜି କେ.ବି. ସିଂହ ବାଲେଶ୍ୱର ଯାଇ ସୁରକ୍ଷା ବନ୍ଦୋବସ୍ତର ସମୀକ୍ଷା କରିଛନ୍ତି।

ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିବା ପାଇଁ ବାଲେଶ୍ୱରରେ ଛାଇ ହୋଇଯାଇଛି ପୋଷ୍ଟର, ବ୍ୟାନ, ହୋର୍ଡିଂ। ଆସନ୍ତାକାଲି ପୂର୍ବାହ୍ନ ୧୦ଟା ୫୦ରେ ବାୟୁସେନାର ସ୍ୱତନ୍ତ୍ର ହେଲିକପ୍ଟର ପ୍ରଧାନମନ୍ତ୍ରୀ ଏମ୍‌ସ ପଡ଼ିଆରେ ପହଞ୍ଚିବେ।