କାମାକ୍ଷାନଗର: ଅନୁଗୋଳ ଜିଲ୍ଲା ଆଠମଲ୍ଲିକ୍ ପୁରୁଣା ମାଣିତ୍ରୀରେ ସଡ଼କ ଦୁର୍ଘଟଣା ଘଟିବା ପରେ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନ ଥିବାରୁ ଅସନ୍ତୋଷ ବଢ଼ିବାରେ ଲାଗିଛି। ପ୍ରଶାସନର ଅପାରଗତାକୁ ବିରୋଧ କରି ଆଜି ଆଠମଲ୍ଲିକ୍ କଲେଜର ଛାତ୍ରଛାତ୍ରୀମାନେ ଶୋଭାଯାତ୍ରା କରିଛନ୍ତି। ଗାନ୍ଧୀଛକ ଠାରୁ ଛାତ୍ରଛାତ୍ରୀମାନେ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରିଛନ୍ତି।
ବିନିକେୟୀ-ଆଠମଲ୍ଲିକ୍-କିଆକଟା ରୁଟ୍ରେ ସରକାରୀ ବସ୍ଚଳାଚଳ କରିବା,ସମସ୍ତ ବସ୍ର ଫିଟ୍ନେସ୍ ଯାଞ୍ଚ, ମହାରାଜା ବସ୍କୁ ଫିଟ୍ନେସ୍ ଦେଇଥିବା ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଓ ଡାକ୍ତରଖାନାରେ ଖାଲି ପଡ଼ିଥିବା ପଦବୀ ପୂରଣ ପାଇଁ ଛାତ୍ରଛାତ୍ରୀମାନେ ଦାବି କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।