ବୌଦ୍ଧ(ଓଡ଼ିଶା ରିପୋର୍ଟର): ବକେୟା ଟଙ୍କା ମାଗିବାକୁ ଯାଇଥିଲା ଜ୍ୱାଇଁ। ଟଙ୍କା ପଇସା ନେଇ ବଚସା ହେବାରୁ ଜ୍ୱାଇଁକୁ ବିଚ୍ ରାସ୍ତାରେ ପିଟିପିଟି ହତ୍ୟା କଲେ କକା ଶ୍ୱଶୁର ଓ ଦୁଇ ଶଳା। ଏଭଳି ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା ବାଉଁଶୁଣି ଥାନା ଅନ୍ତର୍ଗତ ବଲାକିରା ଗାଁରେ। ମୃତ ବ୍ୟକ୍ତି ଜଣଙ୍କ ହେଲେ ଗୋବର୍ଦ୍ଧନ ଖଟୁଆ। ଗୋବର୍ଦ୍ଧନଙ୍କୁ ହତ୍ୟା କରିବା ପରେ କକା ଶ୍ୱଶୁର ଓ ଦୁଇ ଶଳା ଫେରାର ହୋଇଯାଇଛନ୍ତି।
ମିଳିଥିବା ସୂଚନା ଅନୁସାରେ,ଗତକାଲି ରାତିରେ ଗୋବର୍ଦ୍ଧନ ବକେୟା ଟଙ୍କା ମାଗିବାକୁ କକା ଶଶୁର ଘରକୁ ଯାଇଥିଲେ। ସେଠାରେ ପହଞ୍ଚି ବକେୟା ଟଙ୍କା ମାଗିଥଲେ। ଟଙ୍କା ପଇସା ନେଇ ଶଶୁର ଓ ଜ୍ୱାଇଁଙ୍କ ମଧ୍ୟରେ ବଚସା ହୋଇଥିଲା। ଏଥିରେ ଶଶୁର ଓ ଦୁଇ ଶଳା ଉତକ୍ଷିପ୍ତ ହୋଇ ଗୋବର୍ଦ୍ଧନଙ୍କୁ ଠେଙ୍ଗାରେ ପିଟିଥିଲେ। ଗୋବର୍ଦ୍ଧନଙ୍କୁ ଗୁରୁତର ଅବସ୍ଥାରେ ବାଉଁଶୁଣୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଲିସ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।