ବାରବାଟୀ ବିଶୃଙ୍ଖଳା: ଖୁବଶୀଘ୍ର ସରକାରଙ୍କୁ ରିପୋର୍ଟ ଦେବେ ଗୃହ ସଚିବ

ଭୁବନେଶ୍ୱର: ବାରବାଟୀରେ ଭାରତ-ଦକ୍ଷିଣ ଆଫ୍ରିକା ମ୍ୟାଚ୍ ସମୟରେ ଦର୍ଶକଙ୍କ ବୋତଲ ଫିଙ୍ଗା ଘଟଣାର ରିପୋର୍ଟ ଶୀଘ୍ର ସରକାରଙ୍କୁ ଦିଆଯିବ। ଆଜି ଏନେଇ ଗୃହ ସଚିବ ଅସିତ ତ୍ରିପାଠୀ ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ବିଶୃଙ୍ଖଳା  ନେଇ ପ୍ରଥମ ପର୍ଯ୍ୟାୟରେ କମିଶନରେଟ ପୋଲିସ ଓ ଓସିଏ କର୍ତ୍ତୃପକ୍ଷଙ୍କୁ ଦିଆଯାଇଥିବା ପ୍ରଶ୍ନଗୁଡିକର ଉତ୍ତର ମିଳିସାରିଛି। ବାରବାଟୀ ଯାଇ ଅନୁଧ୍ୟାନ କରିବା ପରେ ସରକାରଙ୍କୁ ରିପୋର୍ଟ ଦେବେ ବୋଲି ସେ କହିଛନ୍ତି।