ବରଗଡ଼ ଧନୁଯାତ୍ରାର ଆଜି ଚତୁର୍ଥ ଦିବସ

ବରଗଡ଼: ଆଜି ବରଗଡ ଧନୁଯାତ୍ରାର ଚତୁର୍ଥ ଦିବସ। ମଥୁରା ନଗରୀ ସାଜିଥିବା ବରଗଡ଼ରେ ଚାଲିଛି ପ୍ରବଳ ପ୍ରତାପୀ ମହାରାଜ କଂସଙ୍କ ରାଜୁତି। ରବିବାର ମଞ୍ଚସ୍ଥ ହେବ ମହାରାଜା କଂସଙ୍କ ମୁକ୍ତେଶ୍ୱର ମହାଦେବ ଦର୍ଶନ ଏବଂ ରୁଦ୍ରାଭିଷେକ କାର୍ଯ୍ୟକ୍ରମ ରହିଛି। ଏହାସହ ବିଜୁଳୀ କନ୍ୟାକୁ ପ୍ରହାର  ଓ କଂସଙ୍କ ଉଦ୍ଦେଶ୍ୟରେ ହେବ ଦୈବବାଣୀ।

 ସେପଟେ କୃଷ୍ଣ ଏବଂ ବଳରାମଙ୍କୁ ପାଇ ଆନନ୍ଦରେ ଅଧୀର ହୋଇପଡ଼ିଛନ୍ତି ଗୋପପୁରବାସୀ। ଗୋପପୁରରେ କୃଷ୍ଣଲୀଳା ଆରମ୍ଭ ହୋଇଯାଇଛି। ରବିବାର ନନ୍ଦୋତ୍ସବ ସହ କୃଷ୍ଣଙ୍କ ଦୋଳିଝୁଲା, ରାସନୃତ୍ୟ, ନଗର ସଂକୀର୍ତ୍ତନ ହେବ। ଏହାପରେ ଶ୍ରୀକୃଷ୍ଣ ଗୋପପୁର ଭ୍ରମଣ କରିବା କାର୍ଯ୍ୟକ୍ରମ ରହିଛି।