ବାରିପଦା: ବରଗଡ଼ ଜିଲ୍ଲାରେ ଜାଲ୍ ନୋଟ୍ ରାକେଟର ପର୍ଦ୍ଦାଫାସ ହୋଇଛି। ଏହି କାରବାରରେ ଦୁଇ ଜଣ ମହିଳାଙ୍କ ସମେତ ୮ ଜଣଙ୍କୁ ପୋଲିସ ଆଜି ଗିରଫ କରିଛି। ସେମାନଙ୍କଠାରୁ ୬ ଲକ୍ଷ ୧୨ ହଜାର ୪ଶହ ଟଙ୍କା ଜବତ କରିଛି। ଏଥିରେ ୨୦୦୦, ୫୦୦ ଓ ୧୦୦ ଟଙ୍କିଆ ଜାଲ୍ ନୋଟ୍ ରହିଛି। ସୋନପୁର ଜିଲ୍ଲା ନକଟାମୁଣ୍ଡା ଅଞ୍ଚଳର କୃଷ୍ଣଚନ୍ଦ୍ର ମେହର ବରଗଡ଼ରେ ରହି ଏହି କାରବାର କରୁଥିବା ଏସ୍ପି ବି ଯୁଗଳ କିଶୋର କହିଛନ୍ତି।
କୃଷ୍ଣଚନ୍ଦ୍ର ନିଜ ଘରେ ଜାଲ୍ ନୋଟ ପ୍ରସ୍ତୁତ କରୁଥିଲେ। ଏ ସମ୍ପର୍କରେ ଖବର ପାଇ ପୋଲିସ ତାଙ୍କ ଘରେ ଚଢ଼ାଉ କରି କମ୍ପ୍ୟୁଟର, ଷ୍ଟାମ୍ପ, ନୋଟ୍ ଛପା କାଗଜ ଓ ଅନ୍ୟାନ୍ୟ ଉପକରଉ ଜବତ କରିଛି। କୃଷ୍ଣଙ୍କ ନାଁରେ ପୂର୍ବରୁ ଅପରାଧୀକ ମାମଲା ଥିଲା। ତେବେ ଏହି ଘଟଣାରେ ଅନ୍ୟ ଯେଉଁମାନେ ସମ୍ପୃକ୍ତ ଅଛନ୍ତି ସେମାନଙ୍କୁ ଖୁବ୍ଶୀଘ୍ର ଗିରଫ କରାଯିବ ବୋଲି ପୋଲିସ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।