ଘନ କୁହୁଡି: ଟ୍ରେନ୍‌ ଛାଡିବାରେ ବିଳମ୍ୱ ହେବ

ଭୁବନେଶ୍ୱର: କୁହୁଡ଼ି ଯୋଗୁଁ ଆଜି ଓ ଆସନ୍ତାକାଲି ଅଧିକାଂଶ ଟ୍ରେନ୍‌ ବିଳମ୍ୱରେ ଛାଡ଼ିବ। ଏ ନେଇ ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଜି ରାତି ୯.୪୫ ମିନିଟ୍‌ ପରିବର୍ତ୍ତେ ରାତି ୧ଟା ବେଳେ ଛାଡ଼ିବ ପୁରୀ-ନୂଆଦିଲ୍ଲୀ ପୁରୁଷୋତ୍ତମ ଏକ୍ସପ୍ରେସ୍‌।

ସେହିପରି ଆସନ୍ତାକାଲି ସକାଳ ୧୧.୪୦ ମିନିଟ୍‌ ପରିବର୍ତ୍ତେ ରାତି ୯ଟାରେ ଛାଡ଼ିବ ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌। ଆସନ୍ତାକାଲି ସକାଳ ୧୦.୫୫ ମିନିଟ୍‌ ପରିବର୍ତ୍ତେ ଅପରାହ୍ନ ୩ଟାରେ ଛାଡ଼ିବ ନନ୍ଦନକାନନ ଏକ୍ସପ୍ରେସ୍‌। ଏହାଛଡ଼ା ଆସନ୍ତାକାଲି ଭୁବନେଶ୍ୱର-ନୂଆଦିଲ୍ଲୀ ସୁପରଫାଷ୍ଟ୍‌ ଟ୍ରେନ୍‌ ଓ ଅନୁଗୋଳ-ଝାରସୁଗୁଡ଼ା-ରାଉରକେଲା ଦେଇ ଯାଉଥିବା ସୁପରଫାଷ୍ଟ ଟ୍ରେନ୍‌ ଗୁଡ଼ିକ ବିଳମ୍ୱରେ ଛାଡ଼ିବ ବୋଲି ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି।

This website uses cookies to improve your experience. We'll assume you're ok with this, but you can opt-out if you wish. AcceptRead More