ବିଡିଏ ଇଚ୍ଛାଧୀନ ପ୍ଲଟ୍ ଆବଣ୍ଟନ ମାମଲା: ୨ ଓଏଏସ୍ ଅଧିକାରୀଙ୍କ ସେମତ ୧୦ ଜଣଙ୍କ ନାଁରେ ମାମଲା ରୁଜୁ କଲା ଭିଜିଲାନ୍ସ

କଟକ: ଇଚ୍ଛାଧୀନ କୋଟା କେଳେଙ୍କ।ରୀରେ ଭିଜିଲାନ୍ସ ଆଜି ଦୁଇ ଓଏଏସ୍ ଅଧିକାରୀଙ୍କ ସମେତ ୧୦ ଜଣଙ୍କ ନାଁରେ ମାମଲା ରୁଜୁ କରିଛି । ଏମାନଙ୍କ ମଧ୍ୟରେ ୫ ସରକାରୀ କର୍ମଚାରୀ ବି ରହିଛନ୍ତି ।  ବିଡିଏର ପୂର୍ବତନ ଆଲଟମେଣ୍ଟ ଅଧିକାରୀ ଓଏଏସ୍ ଅଫିସର୍ ଶୁଭଶ୍ରୀ ନନ୍ଦ ତଥା ସେକସନ୍ ଅଫିସର ବିଭୂତି ଭୂଷଣ ରାୟଙ୍କ ନାଁରେ ଦୁଇ ଦୁଇଟି ମାମଲା ରୁଜୁ ହୋଇଛି । ଭୁବନେଶ୍ୱର ପୋଖରୀପୁଟ ଅନନ୍ତ ବିହାର ହାଉସିଂ ସ୍କିମ୍ ଫେଜ୍-୨ର ଏମ୍ଆଇଜି ଘର ନମ୍ୱର ୧୧୭ ଏବଂ ଘର ନମ୍ୱର ଏମ୍ ୧୫୧ ଆବଣ୍ଟନକୁ ନେଇ ଏହି ମାମଲା ରୁଜୁ ହୋଇଛି । ସେହିପରି ଭୁବନେଶ୍ୱର କଳିଙ୍ଗନଗର ପ୍ଲଟେଡ୍ ଡେଭଲପମେଣ୍ଟ ସ୍କିମରେ ପ୍ଲଟ୍ ନମ୍ୱର କେ-୮ ବାଏ ୯୦୨ ଆବଣ୍ଟନ ନେଇ  ବିଡିଏର ପୂର୍ବତନ ଆଲଟମେଣ୍ଟ ଅଧିକାରୀ ଅବସରପ୍ରାପ୍ତ ଓଏଏସ୍ ଅଫିସର ସୁରେନ୍ଦ୍ରନାଥ ନନ୍ଦଙ୍କ ନାଁରେ ମାମଲା ରୁଜୁ କରାଯାଇଛି । ମିଥ୍ୟା ତଥ୍ୟ ଦେଇ ପ୍ଲଟ୍ ଓ ଘର ଆବଣ୍ଟନ କରାଯାଇଥିବାରୁ ମାମଲା ରୁଜୁ କରିଛି ଭିଜିଲାନ୍ସ । ତେବେ ଏ ନେଇ ସମ୍ପୃକ୍ତ ଅଧିକାରୀ କିମ୍ୱା କର୍ମଚାରୀଙ୍କ ପ୍ରତିକ୍ରିୟା ମିଳିପାରିନାହିଁ ।